Bugun Vali Sultonovning tug'ilgan kuni
11 apr 2017 21:18
Yangiliklar
![](https://championat.asia/upload/storage/248741_original.jpg)
![](/upload/storage/248741_220.jpg)
Bugun Vali Sultonovning tug'ilgan kuni
U futbolchilik davrida “Jayhun”, “Quruvchi”(Urganch, 1989-91 yillar), “So'g'diyona”(Jizzax, 1992), “Sitora”(Buxoro, 1993), “Turon”(Doshhovuz, Turkmaniston, 1994 yilning birinchi yarmi), “Dinamo”, “Xorazm”, “Jayhun”, “Xorazm-2003”(Urganch, 1994-98, 2000-2004 yillar), “Xiva”(Xiva, 1999) jamoalarida to'p surgan. 1992 yili “So'g'diyona” jamoasi safida O'zbekiston milliy chempionatining bronza medali sohibi bo'lgan.
Murabbiylik faoliyatida oliy va birinchi ligalarda qator yillar “Xorazm”(Urganch), “Hazorasp”(Hazorasp) jamoalariga ustozlik qilgan. Uning bosh murabbiyligida Xorazm viloyati terma jamoasi “Umid nihollari-2003” sport musobaqasining futbol turnirida g'olib chiqqan. Qolaversa, 2010 yili “Xorazm” jamoasining O'zbekiston professional futbol ligasi kubogini qo'lga kiritishiga ulush qo'shgan. Ayni damda, uning ko'plab shogirdlari yashil maydonda to'p surmoqda. O'zi ham “Xorazm” faxriylar jamoasining etakchi futbolchilaridan biri sanaladi.
Hozirda V. Sultonov Urganch shahridagi Sport o'yinlari va engil atletikaga ixtisoslashgan bolalar-o'smirlar sport maktabida metodist vazifasini bajarishi barobarida, BO'SMning “Yoshlik” jamoasi yosh futbolchilarini etuklik sari etaklayapti, o'zining ko'p yillik tajribasini sidqidildan o'rgatmoqda. Albatta, uning say-harakatlari besamar qolmayapti. “Yoshlik” jamoasi 2016 yilgi Xorazm viloyati birinchiligi(2-liga) g'olibligini qo'ga kiritdi. Joriy yil boshida esa Xorazm viloyati hokimi kubogi sohibiga aylandi. Mubolag'a emas, Vali Sultonovning kelgusida umidlari katta.
Bugun Xorazm viloyati futboli tarixidan munosib o'rin olgan Vali Sultonovning tug'ilgan kuni. Tinib-tinchimas xorazmlik bu murabbiy o'zining qutlug' 46 yoshini qarshi olyapti. Fursatdan foydalanib, unga sihat-salomatlik, baxt saodat va omad, futbolimiz rivoji yo'lidagi ishlariga baraka tilaymiz.
Ikrom XUDOYBERGANOV,
O’xshash yangiliklar
![AMP Logo](https://championat.asia/image/logo-amp.png)
Fikrlar