Bugun Superliga uchun kurashadigan birinchi jamoa malum bo'ladi
26 noy 2018 09:56
Yangiliklar
![](https://championat.asia/upload/storage/464434_original.jpg)
![](/upload/storage/464434_220.jpg)
Bugun Superliga uchun kurashadigan birinchi jamoa malum bo'ladi
Toshkent viloyatida joylashgan "Do'stlik" stadionida "Mashal" hamda "SHerdor" klublari maydonga tushishadi. Malumki, Pro liga "A" guruhida "Andijon" to'g'ridan-to'g'ri Superliga yo'llanmasini qo'lga kiritdi. Ikkinchi o'rinni egallagan "Mashal" esa Pro liga "B" guruhida ikkinchi o'rin sohibi "SHerdor" bilan o'tish o'yinida ishtirok etadi.
Bugungi bahs bitta o'yindan iborat, yutqazgan pley-off bosqichini tark etadi. SHu o'rinda musobaqa qoidalari bilan tanishtirib o'tsak.
Pley off o'yinlari ikki bosqichda o'tkaziladi. Birinchi bosqich Pro liga klublari o'rtasida bo'lib o'tadi.
26 noyabr. "Mashal" - "SHerdor"
14:00. "Do'stlik" stadioni
27 noyabr. "Istiqlol" - "Nurafshon"
14:00. Olmaliq. AGMK stadioni
Bu o'yinlarda g'olib chiqqan jamoalar Superliganing 11 va 10-o'rindagi jamoalariga qarshi bahs olib boradi.
"Mashal"/"SHerdor" - Superliga 11-o'rin
"Istiqlol"/"Nurafshon" - Superliga 10-o'rin
1-bosqich o'yinlari Pro liga tartibi bo'yicha o'tkaziladi. Yani, Pro liga klublari o'zaro o'ynasa 5tagacha futbolchi almashtirishlari mumkin. 2-bosqich pley-off o'yinlari esa Superliga tartibida bo'lib o'tadi va bunda jamoalar 3tagacha futbolchi almashtira olishlari mumkin bo'ladi.
Plef-off bahslari bitta o'yindan iborat bo'lgani uchun agar o'yinning asosiy vaqtida durang qayd etilsa, 15 daqiqadan iborat ikkita qo'shimcha taymlarga o'tiladi. SHunda ham g'olib aniqlanmasa penaltilar seriyasi boshlanadi.
Bundan tashqari, 2018 yilgi mavsum davomida Pro liga hamda Superligada orttirilgan sariq va qizil kartochkalar, diskvalifikaciyalar o'tish o'yinlarida ham o'z kuchida qoladi. Pley-offning birinchi bosqichida olingan sariq va qizil kartochkalar ikkinchi bosqichda ham amalda bo'ladi.
Agar qaysidir jamoada etiroz yuzaga kelsa, o'yin bo'lib o'tganidan so'ng 24 soat ichida uchrashuv komissarini bu haqda rasman ogohlantirgan holda o'z etirozini yozma shaklda berishi mumkin.
Pley-off uchrashuvlari uchun tayinlanadigan hakamlar brigadasi va komissarlik bilan bog'liq barcha xarajatlar PFL tomonidan qoplanadi. Ikkinchi bosqich pley-off o'yinlari yakuniga etgach, g'olib bo'lgan ikkita jamoa 2019 yilgi mavsumda Superligada ishtirok etish huquqiga ega bo'ladi (agar licenziyalash talablariga to'liq javob bersa).
O’xshash yangiliklar
![AMP Logo](https://championat.asia/image/logo-amp.png)
Fikrlar