Bugun “Mashal” va “Nasaf” o'zaro bahslashadi

O'zPFL 26-tur
“Mashal” (Muborak) – “Nasaf” (Qarshi)
26.10.2017. “B.Vafoev” stadioni. 16:00da
Bosh hakam: Ilgiz Tantashev (Buxoro)
Qanot hakamlari: Husniddin SHodmonov (Buxoro), Abdurahmon Qo'ldoshev (Buxoro),
Zaxira hakami: Firdavs Norsafarov (Qarshi).
Nazoratchi: Sardar Najafaliev (Toshkent).
PFL vakili: Bobur Xaydarov.

 
Ushbu jamoalar bir viloyatdan bo'lishsa ham, principial raqiblar hisoblanishadi. “Nasaf”ning Muborakdagi so'nggi g'alabasiga ham 12 yil bo'lgan. “Mashal” jamoasi turnir jadvalida qanday o'rinda bormasin, Muborakda jamoamizga qarshi astoydil kurash olib borgan.

Bugun ham shunday principial bahsning guvohi bo'lishimizga, shubha yo'q.

Keling, yana bir marta bu jamoalar o'rtasidagi bahslar tarixiga nazar tashlaymiz.

O'zaro o'tkazilgan 29ta o'yinning 15 tasida "ajdarlar" zafar quchgan bo'lsa, “Mashal" 8 bor g'alaba qozongan. Qolgan 6ta bahsda tomonlar murosa yo'lini tanlashgan. Etiborli jihati, barcha durang natijalar Muborakda qayd etilgan.

To'plar nisbati bo'yicha ham mos ravishda “Nasaf” futbolchilari ustunlik qilishmoqda: 47-27.

Mazkur jamoalar Muborakda shu paytgacha o'zaro 14 marta kuch sinashishgan. SHularning 2tasida “Nasaf” g'alabaga erishgan, xolos. 6 uchrashuvda durang va yana 6 uchrashuvda mag'lub bo'lganmiz. Muborakdagi o'zaro uchrashuvlarda darvozalarga  jami 30ta gol kiritilgan. To'plar nisbati bo'yicha ham ustunlik “Mashal” tomonida – 17:13.

Balki, bugun “Nasaf” Muborakdagi o'n ikki yillik “qora anana”ga barham berar? Buni o'yindan keyin bilib olamiz.

Demak, bugun futbol ishqibozlari yana bir qiziqarli uchrashuvga guvoh bo'lishadi. Futbol, o'z atamasi bilan futbol. Futbol shunisi bilan qiziqki, unda kutilmagan hisob va hayajonga boy voqealar bo'ladi. Bundan faqat ishqibozlar yutishadi.

SHunday ekan qiziqarli uchrashuvni o'tkazib yubormang. Muborakdagi “Bahrom Vafoev”stadioniga tashrif buyuring!