Bugun "Manchester Yunayted"ning kuni! Garnachoning "qaychisi" - APLda oy goli!

"Manchester Yunayted" vingeri Alexandro Garnacho APLda oyning eng chiroyli goli muallifi bo'ldi. 26 noyabr kuni bo'lib o'tgan 13-tur doirasidagi "Everton"ga qarshi bahsda Garnacho Dalotning uzatmasidan keyin fantastik "qaychi" zarbasi bilan "Gudison Park"ni larzaga keltirgan edi.

Alexandro o'sha golni urgach fikrlarini shu tariqa ifoda etgandi: "To'g'risini aytsam, bunga ishonish qiyin. Qanday gol urganimni o'zim ko'rmadim. SHunchaki olomonning ovozini eshitdim va super gol urganimni his qildim. Hozircha noyabr oyi, lekin menimcha bu mavsumning eng chiroyli gollaridan biri".

"Manchester Yunayted" futbolchilari ushbu mavsum ikkinchi bor Premer-ligada oy goliga mualliflik qilishmoqda. Bundan oldin Brunu Fernandeshning "Byornli" darvozasiga havodan kelayotgan to'pni to'xtatmasdan yo'llagan zarbasi sentyabr oyining eng chiroyli goli deb topilgan edi.

APLda oy goli sovrini 2016/2017 yilgi mavsumdan beri topshirib kelinadi. SHu vaqt mobaynida aynan "Manchester Yunayted" o'yinchilari ushbu sovrinni eng ko'p marta qo'lga kiritishgan - 7 bor.

SHu tariqa, "Manchester Yunayted" noyabr oyi laureatlarini qo'lga kiritish borasida treblga erishdi. Avvalroq Xarri Maguayr (oy futbolchisi) va Erik ten Xag (oy murabbiyi) ham etirof etilgan edi.

Alexandro Garnachoning "Everton" darvozasiga kiritgan va katta ehtimol "Pushkash" sovrini uchun ham asosiy nomzodlardan bo'ladigan golini quyidagi linkka kirib tomosha qilishingiz mumkin >>>>> Garnachoning goli.

Erik ten Xag - APLda tengsiz!

Memlar yulduziga aylangan Maguayr - APLda oy futbolchisi!