Bugun futbol. "Neftchi" - "Lokomotiv"

"Temiryo'lchilar" bugun ertalab Farg'ona shahriga etib kelishdi va mehmonxonaga joylashishdi. Jamoaning kayfiyati yuqori, yigitlar bugungi o'yinga tayyor. 

Oliy liga, 18-tur. 14 avgust 

NEFTCHI - LOKOMOTIV

Boshlanish vaqti - 18:30

Bosh hakam: Rustam Bobomurodov. 

Turnir jadvalidagi o'rni: "Neftchi" 8-o'rinda (24 ochko), "Lokomotiv" 1-o'rinda (45 ochko). 

Ochkolar orasidagi farq - 21 ochko. 

Tarif: Ketma-ket to'rtta uchrashuvni o'z maydonida o'tkazgan "Lokomotiv" bugungi bahsni safarda o'tkazadi. "Loko" oliy liganing ikkinchi davrasidan o'rin olgan dastlabki ikkita bahsni g'alaba bilan yakunladi. Jamoa o'z maydonida avvaliga "Navbahor"ni (5:0), keyin "Andijon"ni 3:1 hisobida mag'lub etdi. "Neftchi" esa dastlab o'z uyida "Bunyodkor" ustidan 2:1 hisobida zafar quchgan bo'lsa, o'tgan turda xuddi shu hisob bilan "Navbahor"ga mag'lub bo'ldi. 

Fakt: Jamoalarning Toshkentda kechgan birinchi davra o'yinida "Lokomotiv" yirik 4:0 hisobida g'alaba qozongan. O'yinda Marat Bikmaev ikkita to'p kiritgan bo'lsa, Temurxo'ja Abduxoliqov bilan Kaxi Maxaradze bittadan gol urishgan. O'sha o'yinda Sardor Mirzaev "Eng yaxshi futbolchi" deb topilgandi. 

Fakt: O'z maydonida shu paytgacha sakkizta bellashuvda maydonga tushgan "Neftchi" shundan beshtasini g'alaba bilan yakunladi, ikki bor durang o'ynab, bir bor mag'lubiyatga uchradi. Jamoa Farg'onada "So'g'diyona"ga 0:1 hisobida yutqazib qo'ygan. "Neftchi"ning uydagi uchrashuvlarda to'plar nisbati 11-7. 

Fakt: "Lokomotiv" esa hozircha safarda 8ta bahsda ishtirok etib, shundan oltitasi g'alaba bilan yakunlagan hamda ikki bor durang o'ynagan. Jamoaning safar o'yinlarida to'plar nisbati 19-9. Umuman olganda, "Loko" oliy liga jamoalari orasida safarda eng ko'p gol urgan jamoa bo'lib turibdi. Bu borada ikkinchi o'rin "Nasaf"ga tegishli. Qarshiliklar hisobida 16ta gol bor. 

Eslatma: Kecha o'tkazilgan "Neftchi" va "Lokomotiv" o'rinbosarlarining Yoshlar ligasi bahsida durang qayd etildi - 1:1.