Bugun Evropa ligasi. Finalga qaysi jamoalar chiqadi?

"Atletiko" - "Arsenal"
Payshanba, 00:05. Madrid, "Vanda Metropolitano".
Bosh hakam – Janluka Rokki (Italiya).

Jamoalarning yarim finaldagi ilk uchrashuvida 1:1 hisobidagi durang qayd etildi. Albatta, bu madridliklar foydasiga. 10-daqiqadayoq 10 kishi bo'lib qolganiga qaramasdan, madridliklar mag'lub bo'lishmadi.

Bu mavsumda "Atletiko" o'z maydonida yaxshi o'yin namoyish etmoqda. "Arsenal" esa safarda faqatgina mag'lub bo'lmoqda. Agarda ilk uchrashuvda "kanonirlar" yaratgan vaziyatlaridan unumli foydalana olishganida, javob uchrashuvigacha vaziyatni hal qilgan bo'lardi.

TAXMINIY TARKIBLAR

QIZIQARLI FAKTLAR

- "Arsenal" bu mavsum Evropa ligasi guruh bosqichida 4 g'alabaga erishgan yagona jamoa.

- "Atletiko" Angliya jamoalariga qarshi 28 uchrashuv o'tkazgan:  10 g'alaba, 12 durang, 6 mag'lubiyat.

- "Arsenal" esa Ispaniya jamoalariga qarshi o'tkazgan 32 uchrashuvida 10 g'alaba va 14 mag'lubiyat qayd etgan. Safardagi bahslarda natija shunday: 2 g'alaba, 3 durang, 6 mag'lubiyat.

- "Atletiko" Evropa ligasi doirasidagi so'nggi 16 uy o'yinlarining 15tasida g'alaba qozongan.

- "Arsenal" evrokuboklarning bahorgi bosqichiga ketma ket 19-bora chiqdi. Bularning barchasida jamoani Arsen Venger boshqargan.

- Vengerning UEFA yarim finallari safar uchrashuvlaridagi natijalari: 2 g'alaba, 2 durang, 2 mag'lubiyat.

- "Atletiko" evrokuboklar pley-offida 13 bora ilk bahsda durang o'ynagan va shularning 11tasida keyingi bosqichga chiqqan.

Evropa ligasining ikkinchi yarim finalida "Zalcburg" - "Marsel" jamoalari o'zaro to'qnash keladi. Ushbu jamoalarning ilk bahsida franciyaliklar 2:0 hisobida zafar quchgandi.