Bugun Ahmedov jamoasi Greciya chempioniga qarshi o'ynaydi
12 iyu 2014 12:29
Yangiliklar

Bugun Ahmedov jamoasi Greciya chempioniga qarshi o'ynaydi

Avstriyada yangi mavsumga tayyorgarlik ko'rayotgan Rossiyaning “Krasnodar” klubi bugun yig'indan o'rin olgan uchinchi, shu bilan birga so'nggi o'rtoqlik uchrashuvini o'tkazadi.

Odil Ahmedov jamoadoshlari Greciyaning “Olimpiakos” klubiga qarshi maydonga tushishadi. Ushbu o'yin Toshkent vaqti bilan soat 20.00da boshlanadi.

Avstriyada yig'in o'tkazayotgan “Krasnodar” klubi Greciyaning “Olimpiakos” jamoasiga qarshi o'tkaziladigan bugungi o'yin oldidan ikki tarkibga bo'lingan holda o'zaro nazorat uchrashuvi tashkil etdi.

“Qizil” va “ko'klar” o'rtasida bo'lib o'tgan o'yinda har bir jamoa tarkibida 10 nafar futbolchi harakat qildi. Uchrashuvning o'zi 15 daqiqadan ikki bo'lim davom etdi. “Qizillar” safida Sergey Petrov, Ari va Rikardo Laborde gol muallifi bo'lishdi.

Eslatib o'tamiz, “Krasnodar” Avstriya yig'inida dastlab Ozarbayjonning “Karabax” (Agdam) klubini Odil Ahmedovning yagona goli evaziga mag'lub etgan bo'lsa, ikkinchi bahsda 45 karra SHotlandiya chempioni “Seltik”ka 1:3 hisobida imkoniyatni boy bergan edi. Glazgoliklarga qarshi kechgan o'yinda ham yagona golni Ahmedov kiritgandi. O'ylaymizki, bugun ham anana davom etadi.

Havola :

Manba : olamsport.com

Yangiliklarni Telegramda o'qing!

Reyting: