Brunu Fernandesh "Manchester Yunayted" yarim himoyasiga "yangi qon" bo'ladimi?!
16 jan 2020 18:17
Yangiliklar
![](https://championat.asia/upload/storage/539977_original.jpg)
![](/upload/storage/539977_220.jpg)
Brunu Fernandesh "Manchester Yunayted" yarim himoyasiga "yangi qon" bo'ladimi?!
Ammo, nima uchundir kelishuv amalga oshmay yarim yo'lda qolib ketgandi. Balki, lissabonliklar juda katta summa talab qilishgani halal bergandir o'shanda. Hozir esa kelishuv 50-60 mln funt atrofida bo'lishi taxmin qilinmoqda.
Brunu Fernandesh "Benfika"ga qarshi o'yindan so'ng MYUga o'tadi
Angliyaning mashhur "Daily Mail" nashri portugaliyalikning oxirgi 2 mavsumdagi statistikasi haqida yozib chiqdi. Quyida ana shu materialdan ayrim joylarini etiboringizga havola etamiz.
Brunu Fernandesh o'tgan mavsum boshidan beri De Bryuyne, Pogba va Koutinodan ko'ra ko'proq gol urgan va ko'proq golli pas bergan. U "Manchester Yunayted" yarim himoyasiga "yangi qon" bo'lib kirishi mumkindek.
Brunu qishki transfer oynasida "Qizil iblislar" safiga o'tishga juda yaqin turibdi. 25 yoshli xavbekning oxirgi ikki mavsumdagi ko'rsatkichlari shunchaki daxshatli. Quyida Brunu Fernandesh va Top-5 chempionatlaridagi boshqa hujumkor markaziy yarim himoyachilarning statistikalarini etiboringizga havola etamiz.
Gol urish borasida yuqori daraja, o'tgan mavsum boshidan beri 27ta gol. Bu markaziy yarim himoyachi uchun juda zo'r natija. Top-5 chempionatlaridagi boshqa 10-raqam zonasida to'p tepuvchilar ichida ajoyib ko'rsatkich. Fernandesh "Manchester Siti"ning markazdagi dueti David Silva hamda Kevin de Bryuynelarni qo'shgandagidan ham ko'proq to'p kiritgan.
2018/19 yilgi mavsumdan | Brunu Fernandesh | Jeyms Meddison | Bernardu Silva | Kristian Eriksen | David Silva | Filippe Koutino | Kevin de Bryuyne | Pol Pogba |
O'yinlar | 45 | 54 | 51 | 50 | 48 | 47 | 39 | 39 |
Daqiqalar | 4032 | 4398 | 3791 | 3546 | 3369 | 2873 | 2659 | 3266 |
Gollar | 27 | 12 | 11 | 10 | 8 | 10 | 9 | 1 |
Assistlar | 19 | 10 | 11 | 13 | 15 | 7 | 16 | 11 |
Zarbalar | 165 | 130 | 87 | 98 | 77 | 105 | 89 | 111 |
Yaratilgan vaziyatlar | 158 | 148 | 95 | 88 | 94 | 52 | 111 | 68 |
Paslar | 2533 | 2307 | 2368 | 2335 | 2733 | 1821 | 1842 | 2345 |
Paslar aniqligi (%) | 76.0 | 83.4 | 87.2 | 80.6 | 87.6 | 86.3 | 82.3 | 83.0 |
Raqib jarima maydonida to'pga teginish | 148 | 140 | 258 | 78 | 309 | 145 | 142 | 127 |
Muvaffaqiyatli driblinglar | 55 | 84 | 73 | 17 | 44 | 69 | 48 | 62 |
"Yunayted"da oxirgi vaqtlarda yarim himoyachilarning gol urishi keskin kamayib ketdi. Asosan, Reshford, Marsyal va Grinvud gollarga mualliflik qilishmoqda. Brunu esa bu vaziyatni o'zgartirishi mumkin. SHuningdek, u raqib darvozasi tomon tez-tez zarba berishi bilan ham ajralib turadi. 2018-2019 yilgi mavsum boshidan beri portugal jami 165ta zarba berishga ulgurgan.
Futbolchi mankunianliklar bilan shaxsiy shartnoma shartlari borasida kelishuvga erishib bo'lgani xabar qilinmoqda. Klublar o'zaro kelishib olishsa bas. Ertaga tunda bo'lib o'tadigan Lissabon derbisi ("Sporting" - "Benfika")dan keyin Brunu MYU safiga o'tishi kutilmoqda. Yozda bitmagan ish qishda bitib ketadimi yoki yo'q, hammasini vaqt ko'rsatadi.
O’xshash yangiliklar
![AMP Logo](https://championat.asia/image/logo-amp.png)
Fikrlar