Bosh hakam effekti. Yoxud "Loko" "Turon"ni yuta olmaydi
27 avg 2021 13:56
Yangiliklar

Bosh hakam effekti. Yoxud "Loko" "Turon"ni yuta olmaydi

Yaypanning "Turon" klubi bugun Superliganing 16-turi doirasida Toshkentda mehmon bo'ladi.

Lokomotiv

Temurxo’ja Abduxoliqov - 41', Temurxo’ja Abduxoliqov - 70', Azizbek Amonov - 76'

Superliga. 16-tur

27/08/2021, 19:00

Tugadi

Turon

Bilol Toshmirzaev - 30'

45'

90'

Match-senterda ochish

Raqib Mikael Sekeyra boshchiligidagi "Lokomotiv". Mazkur bahsni Elyor Tursunov boshchiligidagi hakamlar brigadasi boshqarib boradi. Etiborli jihati shundaki, "temiryo'lchilar" mazkur referi ishlagan o'yinlarning hech birida g'alaba qozona olmagan (3 o'yin, 3ta durang).

30.11.2019. "Lokomotiv" 0:0 "Paxtakor"
02.11.2020. "Mashal" 0:0 "Lokomotiv"
03.04.2021. "Lokomotiv" 1:1 "Qizilqum"

Elyor Tursunov "Turon" uchun, aksincha, omad keltiruvchi arbitr hisoblanadi. Yaypan jamoasi hanuzgacha mazkur hakam ishlagan o'yinlarni yutqazgani yo'q.

23.06.2020. "Turon" 1:1 "SHo'rtan" (Pro liga)
07.09.2020. "Zomin" 1:2 "Turon" (Pro liga)
19.11.2020 "Turon" 3:0 "Dinamo" (Pro liga)

Ko'p ehtimol bilan jamoalarning ananasi bugun ham davom etsa kerak. Yani "Lokomotiv" raqibiga ochko ulashadi, "Turon" esa mag'lub bo'lmaydi. Jamoalarning so'nggi o'yinlardagi statistikasi ham shunga ishora qilmoqda.

Engilmas "Turon"

CHempionat autsayderlaridan bir bo'lib turgan jamoaga nisbatan odatda engilmas sifati ishlatilmaydi. Ammo SHkvirin jurnalistlarni shunga majbur qila olmoqda. Yaypanliklar boshqaruvi Igor Anatolevich qo'liga o'tgach klub Superligada mag'lubiyat nimaligini bilmay kelmoqda (5 o'yin). O'zbekiston chempionatining so'nggi 5 turidagi natijalarni inobatga olsak, faqat "Paxtakor" va "Qizilqum" "Turon"dan yaxshiroq natija qayd eta olgan.

	klub	o'	g'	d	m	t-n	o
1	"Paxtakor"	5	5	0	0	9:1	15
2	"Qizilqum"	5	3	2	0	9:5	11
3	"Turon"	5	2	3	0	6:3	9
4	"Bunyodkor"	5	2	1	2	9:5	7
5	"Mashal"	5	2	1	2	5:5	7

16-tur natijalari qo'shilmagan

Beqarorligi barqaror "Loko"

"Temiryo'lchilar"ning oldiga mavsum avvalida chempionlik vazifa sifatida qo'yilishi absurd edi. Boshqalar tomonidan yig'ilgan tarkibga olis Portugaliyadan o'z futboliga mutlaqo murabbiy olib kelindi. Keyinchalik buni anglagan rahbariyat Sekeyra futbolimizni o'rganish uchun vaqt berdi va 1 yilni qurbon qilishga qaror qildi. SHu tufayli "Lokomotiv" mazkur tur oldidan turnir jadvalining 8-pog'onasini band qilib turgandi. 1-o'rinda borayotgan "Paxtakor" bilan oradagi tafovut allaqachon 20 ochkodan oshib ketdi.

O'yin borasida raqiblaridan qolishmayotgan bo'lsa-da natija borasida maqtana olmayotgan "temiryo'lchilar" joriy mavsumda yuqori darajadagi beqarorligi bilan ajralib turibdi. Bir qarasangiz, mag'lubiyatsiz seriyasini "Metallurg" bilan o'yinda tugatib qo'yadi. Bir qarasangiz, "Nasaf"ni engib, boshqa kun "Qo'qon-1912"ga yutqazadi.

Yaypandagi durang

Jamolarning 1-davradagi to'qnashuvida (3-tur) do'stlik g'alaba qilgan. Uchrashuv drmatik ruhda o'tib, poytaxt jamoasidan kambek ko'rgandik. Etiborli jihati, har 2 klub aynan o'sha bahsda mavsumdagi ilk ochkolarini ishlab olgandi.

TURON – LOKOMOTIV 2:2
18 mart 2021 yil. Yaypan. "O'zbekiston" stadioni. 16:15
Gollar: Dayan Ponevich 5, - 1:0 (Bilolxon Toshmirzaev), Vladislav Kasminin 11, - 2:0 (Abdurahmon Abdulhaqov), Javohir Sidiqov 16, - 2:1 (Kaxi Maxaradze), Temurxo'ja Abduxoliqov 69 penalti, 2:2.

"Turon": 96. Islom Abdullaev, 2. Abduqahhor Xojiakbarov, 3. Davronbek Umirov, 7. Kvame Karikari, 17. Muzaffarjon Muzaffarov, 19. Vladislav Kasminin, 23. Abdurahmon Abdulhaqov (5. G'iyosjon Komilov, 70), 30. Sinisha Babich(18. Fozil Musaev, 66), 32. Jahongir Mehmonov, 55. Dayan Ponevich, 77. Bilolxon Toshmirzaev( 22. Abdulazizxon Abdurashidov, 66).
Zaxira: 87. Akmal Ortiqov, 4. Asliddin Toshtemirov, 8. Sunnatilla Ermatov, 11. Asilbek Qayumov, .

"Lokomotiv": 35. Javohir Ilyosov, 28. SHuhrat Muhammadiev (9. Javohir Alijonov, 46), 37. SHerzod Fayziev, 20. Jaloliddin Jumaboev, 22. Diego Bardanka, 4. Dilshod Komilov(10. Marat Bikmaev, 63), 21. G'ulom Haydar G'ulomov, 5. Kaxi Maxaradze (14. Aziz Omonov, 46), 8. Javohir Sidiqov, 17. Sanjar Qodirqulov, 11. Temurxo'ja Abduxoliqov.
Zaxira: 1. Abdumavlon Abdujalilov, 3. Islom Qobilov, 7. Sadriddin Abdullaev, , 18. Ibrohim G'anixonov.
Ogohlantirishlar: Sinisha Babich 34, Vladislav Kasminin 48, Javohir Siddiqov 64, Abdurahmon Abdulxaqov 68, Davronbek Umirov 72, Temurxo'ja Abduxoliqov 85.
CHetlatish: Vladislav Kasminin 67.

Sekeyra jamoasida kayfiyat yomon

"Lokomotiv" 16-turga yomon kayfiyatda etib keldi. Namangandagi o'yin taqdirini "Navbahor"ga ijaraga berilgan "temiryo'lchi" Ibrohim G'anixonov hal qilib ketgandi. Umuman olganda jamoa so'nggi 3 o'yinining barchasida oxirgi daqiqalarda gol o'tkazib yuboryapti. SHu tufayli klubda qo'y so'yib, duo-fotiha o'qildi. Bu qurbonlik jamoaga yordam bera oladimi yoki yo'q, bir necha soatdan keyin bilib olishimiz mumkin. Uchrashuvni o'tkazib yubormang!