Bora Milutinovich: "Abramovning ko'rsatmalari to'g'ri bajarilsa uni engish juda qiyin bo'ladi"

- "O'yinni o'z ko'zim bilan tomosha qilmaganimda, bu jamoani Abramov emas, qandaydir yosh yigit boshqaryapti degan fikrga borardim. "Lokomotiv" mintaqangizda ham jismonan, ham taktik jihatdan kuchli jamoalardan sanaladi. Abramovning ko'rsatmalari to'g'ri bajarilsa uni engish juda qiyin. Tarkib va o'yinchilarni tanlash bo'yicha biror narsa deya olmayman. Ammo, birinchi daqiqalardan "Loko", raqibi "Al-Sadd"ga qaraganda ancha ustun ko'rindi.

Tezkor ikkita gol esa, jamoadagi o'yinchilar orasida qandaydir tushunmovchilik mavjud bo'lgani uchun yuzaga kelgandek. Huddi o'yinchilar urishib qolgandek, balki nizo ham bordek, nazarimda. Lekin, aniq bir fikr bildira olmayman, jamoa ichida emasman. Abramovga achindim, shuncha mehnat va harakatlar bitta o'yin tufayli chippakka chiqsa. Biroq, bunday vaziyat har kim bilan ham bo'ladi, xatto Braziliyadek futbol yulduzlariga boy jamoa bilan ham.

Nima ham derdim, "Lokomotiv" bu mag'lubiyatdan to'g'ri xulosa chiqarib, bundan keyingi uchrashuvlarda yorqin o'yin namoyish qilishiga tilakdoshman", - deya fikrini yakunladi, 74 yoshlik, serbiyalik mutaxassis.