Birinchi liga. “Zomin” – “Norin” uchrashuvi “Sug'diyona” stadionida bo'ladi

Xabaringiz bor, “Zomin” jamoasi uy uchrashuvlarini Zomin markaziy stadionida o'tkazadi. O'tgan yili birinchi liga musobaqalari tugaganidan so'ng, o'yingoh maydonida tamirlash ishlari boshlangan edi. Hozirgi kunga kelib, stadion uchrashuvlarni qabul qilishga tayyor emas. SHuning uchun birinchi liganing ikkinchi bosqichiga qadar “Zomin” jamoasi uy uchrashuvlarini boshqa o'yingohda o'tkazishga majburdir.

Mezbon sifatida 3-turda Andijonning “UzDongJu” jamoasiga qarshi uchrashuvni o'tkazish uchun Yangier markaziy stadioni tanlangan edi. Ammo ikkala jamoa ham uchrashuvga tayyor bo'lsada bazi sabablarga ko'ra uchrashuv bo'lmadi va “Zomin” jamoasiga texnik mag'lubiyat yozildi.

“Oq bo'rilar” 4-turda Haqqulobodning “Norin” jamoasiga qarshi uchrashuvni “Sug'diyona” stadionida o'tkazishadi.

Uchrashuv 20 aprel kuni soat 17-00da boshlanadi. Ushbu uchrashuvni tomosha qilishga barcha futbol muxlislarni taklif qolamiz.