So’nggi yangiliklar

16:16Ўзбекистон кубоги. Бугун 1/8 финалга қуръа ташланади  0 16:05Перес: "Модрич "Реал" мухлислари қалбида мангу сақланиб қолади"  1 15:42Қаршида қолган қасам: Қосимовнинг "Насаф"га қарши қора статистикаси  6 15:39Халқаро тақвим. Июнда бизни нималар кутмоқда?  0 15:14"Бетис" Конференциялар Лигаси финалидан олдин ҳазил тариқасида логотипини ўзгартирди  0 14:49Сергей Чигодаев: "CAFA турнирида барча футболчиларга имконият беришга ҳаракат қиламиз"  2 14:29Расман: "Реал" Анчелотти кетаётганини эълон қилди  16 14:17Ўзбекистонлик ҳакам аёллар футболи бўйича ОЧЛ финалида ишлайди  0 13:59Саудия Арабистони клуби Осимхен билан музокаралар олиб бормоқда  1 13:32"Интер" МЮ ҳужумчисини харид қилмоқчи  2 13:03"Манчестер Юнайтед"нинг ёзги трансфер бюджети қисқартирилди  8 12:36Рафинья: "Умид қиламанки, мухлисларни хурсанд қилишда давом этаман"  15 12:08Артета "Арсенал"нинг амбициялари ҳақида гапирди  1 11:40Руд ван Нистелрой "Лестер"ни тарк этади  0 11:14CAFA U17 Championship 2025 мусобақасига қуръа ташланди. Ўзбекистон Эрон билан бир гуруҳда  7

Aleksandr Stoymirovich: "O'yin kutganimizdan qiyinroq o'tdi" Yangiliklar

Aleksandr Stoymirovich: "O'yin kutganimizdan qiyinroq o'tdi"

O'zbekiston Kubogining 1-turi doirasida "Zomin"ga qarshi o'yindan keyin "Lokomotiv" katta murabbiyi Aleksandr Stoymirovich fikrlarini bildirdi.

- Bugun kam o'yin amaliyotiga ega bo'layotgan futbolchilar bilan kichik tajribalar o'tkazib ko'rdik. Ularning boshqa poziciyalarda qanday ekanligini tekshirib oldik. O'yin kutganimizdan qiyin o'tdi. Yosh jamoa bizga yaxshi qarshilik ko'rsatdi. Kubok o'yinlarida oldindan biror nima kutib bo'lmaydi, barcha o'zini ko'rsatishga harakat qiladi. Guruhdan chiqmagunimizcha o'yinlar osonroq bo'ladi. Jarohatlar bobida ham kichik muammolarimiz bor. Bu borada aniqlashtirib olinishi kerak bo'lgan ishlar talaygina. Jasur Hakimov oyog'ini sindirib olgan. Hozir Ivan Bulatovich ham oyog'idan muammosi borligini aytdi. Undan tashqari Ivan Rogachda ham muammolar bor. SHu sababli yangiliklar qilish kerak bo'lyapti. Kubokdagi navbatdagi uchrashuvlarga tayyorlanish kerak. CHempionatdagi katta pauza albatta, biroz yoqimsiz. Bunday paytda futbolchining jismoniy holatini, formasini ushlab turish qiyin bo'ladi. SHuningdek, doimiy ravishda mikrocikllarni o'zgartirish kerak. Umid qilamanki, O'zbekistonda bu bir kun kelib, o'zgaradi. Oldinga harakatlanishda davom etamiz. Navbatdagi uchrashuv "Olimpik Mobiuz"ga qarshi. Ular ham yosh va harakatchan jamoa. Guruhdan chiqishni ertaroq amalga oshirib qo'yish kerak. Albatta, bu ham oson bo'lmaydi. Keyin so'nggi o'yin "Qizilqum" bilan. Bu "Navbahor"ga qarshi o'yindan oldingi asosiy tekshiruv bo'ladi. Keyin, nihoyat, may oyida chempionat o'yinlari boshlanadi.



- Yakuniy hisob haqida fikringiz. Jamoa 1:0 hisobida g'alaba qozondi, undan tashqari gol penaltidan urildi.

- Gol penaltidanmi, jarimadanmi yoki o'yindan uriladimi, bu futbolning bir qismi. Penaltini haqli tarzda ishlab oldik, uni amalga oshirdik. Keyin ikkala jamoada ham yaxshi vaziyatlar bo'ldi. Bugungi o'yin jamoa uchun ham yangilik bo'ldi, deyish mumkin. Masalan, futbolchi uzoq vaqt o'ynamasa, ularga ham qiyinroq bo'ladi. Lekin kim o'zini ko'rsatishiga qarab rejalarni tuzamiz va harakat qilamiz. Hisob - bu hisob, 1:0 - g'alaba.

- Yosh futbolchilar o'zini qanday ko'rsatmoqda?

- Bugun ular debyut qilgan bo'lsa-da, yuz yildan buyon "Lokomotiv"da. Bu ularning klubi, ular ushbu klub tarbiyalanuvchisi. Doimo ular o'zlarini ko'rsatishlari kerak.



Reyting:    

Fikrlar

championat.asia
< so’nggi yangiliklarni ko’rish
Яндекс.Метрика