Bilasizmi? Asror G'ofurov “Sokespor”da o'ynamoqda

1995 yilda tavallud topgan Asror G'ofurov yodingizda bo'lsa Turkiya birinchi ligasi ishtirokchisi “Manisaspor” klubi bilan shartnoma imzolagandi. Ammo uning jamoasi keyinchalik 2-ligaga tushib ketgach, G'ofurov jamoasini o'zgartirishga qaror qildi.

Bunga sabab Turkiya 2-ligasida xorijlik futbolchining ishtirok etishiga ruhsat yo'qligidir. SHunga qaramay “Paxtakor” futbol maktabi tarbiyalanuvchisi yurtimizga qaytib kelishga oshiqmadi. Aksincha o'sha erda o'ziga boshqa jamoa topishga urindi. So'nggi lahzalarga kelib esa Asror 4-liga qatnashchisi “Sokespor”ga o'tdi. Sentyabr oyidan buyon ushbu klub sharafini himoya qilib kelayotgan 20 yoshli futbolchimiz bilan suhbatlashganimizda, 4-ligaga ham etibor u qadar past darajada emasligini takidladi.

Asrorning yaqin oradagi rejalaridan biri tezroq eng kamida yana Turkiya 1-ligasida ishtirok etuvchi jamoalardan biriga o'tishdir.

Malumot o'rnida shuni aytish lozimki, G'ofurov o'ynayotgan 4-ligada 11-tur o'yinlari ortda qoldi. “Sokespor” esa 13ta jamoa orasida 9-o'rinni band etib turibdi. Musobaqa esa kelasi yilning may oyida yakuniga etadi.