"Beshiktosh" qozog'istonlik futbolchini transferga qo'yadi

Manbaga ko'ra, 27 yoshli yarim himoyachi ushbu mavsum umidlarni oqlay olmagan. Shu sababli Turkiya klubi rahbariyati futbolchi bilan xayrlashishni rejalashtirgan.

Zaynutdinov joriy mavsum "Beshiktosh" safida 12 o'yinda maydonga tushib, 1 ta golli uzatmani amalga oshirdi. Baxtiyorning klub bilan shartnomasi 2027 yilning yoziga qadar mo'ljallangan. Yarim himoyachining transfer narxi 3,3 mln evroni tashkil qiladi.