"Beshiktosh" murabbiyi Dele Allining o'yinidan qoniqmayapti

"Beshiktosh" bosh murabbiyi SHenol Gyunesh yarim himoyachi Dele Allining harakatlaridan noroziligini bildirdi.

"Avvaliga o'yinchilarga tasir o'tkaza olmadim, hozir ularga bemalol gapira olaman. Dele Alli bilan haligacha umumiy til topisha olmadik. Keling, uni futbolchi sifatida muhokama qilmaylik. Faqat shuni aytishim mumkinki, men undan ko'proq samaradorlikni kutyapman", – dedi turkiyalik murabbiy.

Alli o'tgan yozda ijara asosida "Everton"dan "Beshiktosh"ga o'tgan edi. 26 yoshli xavbek Turkiya Superligasi joriy mavsumida  7 ta o'yin o'tkazib, 1 ta gol urgan.