Benzema "Oltin to'p" haqida: "Rodri sizni "vau" deyishga majbur qiladigan hech narsa qilmaydi"
30 okt 2024 13:02
Yangiliklar

Benzema "Oltin to'p" haqida: "Rodri sizni "vau" deyishga majbur qiladigan hech narsa qilmaydi"

"Real" sobiq yulduzi Karim Benzema Rodrini "Oltin to'p"ga loyiq deb hisoblamaydi.

"France Football" talqiniga ko'ra, "Manchester Siti" va Ispaniya terma jamoasi xavbeki Rodri 2024 yilning eng yaxshi futbolchisi deb topildi.

"Real" va Braziliya terma jamoasi vingeri Vinicius Junior esa ikkinchi o'rinni egalladi.

"Men Vinicius bilan gaplashdim, u xafa. Va bu normal holat. U "Oltin to'p"ni qo'lga kiritishga haqli edi.
Meni Rodriga nisbatan xusumatim yo'q, u yaxshi o'yinchi... Lekin men divanda o'tirib televizor ko'raman va Rodri sizni "vau" deyishga majbur qiladigan hech narsa qilmaydi. Vini esa buni bir necha marta qilgan.
O'ylaymanki, bu juda murakkab lahza, butun dunyo "Oltin to'p"ni sen olishingni kutadi va oxir-oqibatda bunday emasligi malum bo'ladi. Vinicius - yaxshi yigit. U harakat qilishda davom etadi va bir kun kelib o'zining "Oltin to'p"ini qo'lga kiritadi", - dedi Madrid klubining sobiq futbolchisi "El Chiringuito" nashriga bergan intervyusida.