Бензема "Олтин тўп" ҳақида: "Родри сизни "вау" дейишга мажбур қиладиган ҳеч нарса қилмайди"
30 окт 2024 13:02
Янгиликлар

Бензема "Олтин тўп" ҳақида: "Родри сизни "вау" дейишга мажбур қиладиган ҳеч нарса қилмайди"

"Реал" собиқ юлдузи Карим Бензема Родрини "Олтин тўп"га лойиқ деб ҳисобламайди.

"France Football" талқинига кўра, "Манчестер Сити" ва Испания терма жамоаси хавбеки Родри 2024 йилнинг энг яхши футболчиси деб топилди.

"Реал" ва Бразилия терма жамоаси вингери Виниcиус Жуниор эса иккинчи ўринни эгаллади.

"Мен Виниcиус билан гаплашдим, у хафа. Ва бу нормал ҳолат. У "Олтин тўп"ни қўлга киритишга ҳақли эди.
Мени Родрига нисбатан хусуматим йўқ, у яхши ўйинчи... Лекин мен диванда ўтириб телевизор кўраман ва Родри сизни "вау" дейишга мажбур қиладиган ҳеч нарса қилмайди. Вини эса буни бир неча марта қилган.
Ўйлайманки, бу жуда мураккаб лаҳза, бутун дунё "Олтин тўп"ни сен олишингни кутади ва охир-оқибатда бундай эмаслиги маълум бўлади. Виниcиус - яхши йигит. У ҳаракат қилишда давом этади ва бир кун келиб ўзининг "Олтин тўп"ини қўлга киритади", - деди Мадрид клубининг собиқ футболчиси "Эл Chiringuito" нашрига берган интервьюсида.