Belerin "Barselona" mashg'ulotida jarohat oldi va "Malorka" bilan o'yinni o'tkazib yuborishi mumkin

Futbolchi tonggi mashg'ulotlar vaqtida mushaklarida og'riq sezgan. Ertaga u tibbiy tekshiruvdan o'tadi va o'shanda jarohatning jiddiylik darajasi aniq bo'ladi. 

Klubdagilarning fikriga ko'ra, jarohat u qadar og'ir emas. Biroq o'yinchi La Liganing navbatdagi turida jamoasiga yordam bera olmasa kerak.

1 oktyabr kuni "Barselona" safarda "Malorka"ga qarshi 7-tur uchrashuvini o'tkazadi.

Avvalroq kataloniyaliklar o'z termalari safida jarohat olgani sabab Ronald Arauxo, Jyul Kunde, Memfis Depay va Frenki de Yongni yo'qotishgandi.