Bekzod G'anijonov: Andijondagi o'yinda tajribasizligimiz pand berdi

- Ushbu o'yin oldidan jamoamiz tarkibida bir qator jiddiy yo'qotishlar bor edi, - deydi Bekzod  G'anijonov. - SHu bois, jamoamiz bosh menejeri Hamidjon Aktamov hamda murabbiylar uchrashuvda biz yoshlarga imkoniyat berishga qaror qilishdi. O'yinni dastlabki daqiqalaridan maydonga tushganimdan va menga bildirilgan ishonchdan juda xursand bo'ldim.

Tajribali futbolchilardan tarkib topgan Andijon jamoasiga qarshi yomon o'ynamadik. Ko'plab golli vaziyatlarni yuzaga keltirdik. Afsuski, ularni samarali yakunlashda tajribasizligim pand berdi. Bu esa hali o'z ustimda ko'proq ishlashim va maydonda astoydil ter to'kishim zarurligini ko'rsatib berdi. Endi bor etiborimni mashg'ulotlarga qaratgan holda chempionat uchrashuvlarida ham asosiy tarkibga qo'shilishga intilaman.

Qizilqum PFK Matbuot xizmati.