Бекзод Ғанижонов: “Мураббийлар ишончини оқлашга ҳаракат қиламан”
19 ноя 2016 17:38
Янгиликлар

Бекзод Ғанижонов: “Мураббийлар ишончини оқлашга ҳаракат қиламан”

Олий лига йигирма тўққизинчи туридан жой олган “Нефтчи” — “Қизилқум” жамоалари баҳсидан (0:1) сўнг, навоийликларнинг ўн саккиз ёшли ҳужумчиси Бекзод Ғанижоновнинг фикрлари билан қизиқдик.

— Муҳим учрашувда мураббийларимиз менга бошланғич таркибдан жой беришганидан хурсанд бўлдим, — дейди Бекзод Ғанижонов. — Гарчи, унда бир бўлим ўйнаган бўлсам-да, бу баҳс мен учун яна бир тажриба мактаби бўлди. “Нефтчи”дек тажрибали жамоани сафарда мағлубиятга учратганимиздан мамнунман.

Ҳали ўз устимда кўп ишлаб, тажрибамни янада оширишим керак. Бунда мураббийлар ишончи катта аҳамият касб этади, албатта. Уларнинг ишончини оқлаш учун эса астойдил тер тўкишда давом этаман. Мақсадим келгусида асосий таркибдан ўз ўрнимни топиб, жамоамнинг ғалабаларига ҳисса қўшишдир.

“Қизилқум” ПФК Матбуот хизмати.

Ҳавола :

Манба : championat.asia

Янгиликларни Телеграмда ўқинг!

Рейтинг: +4