"Neftchi" – "Eyr Fors" 1:0
Bosh hakam: Adel Alnaqbi
Yordamchi hakamlar: Sabet Al-Ali, Ali Rashid Alnuaymi
Zaxira hakami: Suxayl Almulla
Nazoratchi: Yosef Mirza Rustom
Komissar: Kemel Tokabaev
Gol: 1:0 – 83, Zoran Marushich (Koffi Frank Kuao)
"Neftchi": 1. Botirali Ergashev, 4. Boyan Ciger, 5. Ikromjon Aliboev, 7. Abrorbek Ismoilov (71. Bilolxon Toshmirzaev, 46), 15. Nurmuhammad Abdug'aniev, 18. Stipe Perica (9. Xurshid G'iyosov, 72), 22. Alisher Odilov, 31. Yan Medeyros Sasse (32. Zoran Marushich, 56), 34. Farrux Sayfiev, 52. Koffi Frank Kuao, 77. Fransisko Jurani
Zaxira: 16. Ibrohim Shokirov, 45. Akbar To'raev, 3. Michel Augusto, 17. Azizbek Murotov, 20. Anvarjon G'ofurov, 21. Muhsinjon Ubaydullaev, 27. Nurbek Sarsenbaev, 30. Rustambek Fomin, 88. Markus Forss
"Eyr Fors": 95. Muhammad Salih Mejbel, 2. Ruslan Xanoon Al-Darraji, 3. Muslim Musa Al-Hamadani, 5. Saed Ahmad Alrosan, 6. Mohanad Abdulkadhim Al-Jebur, 8. Alharet Al-Saeg (13. Mujtaba Mohsin Svayedi, 63), 10. Muhammad Javad Alg'adab (9. Haytam Juini, 83), 24. Abbas Favzi Hasan, 25. Saad Abdulameer, 29. Tvisila Kisinda (11. Murad Muhammad Subeh, 63), 73. Ali Saad Jabbar (16. Mozes Orkuma, 72)
Zaxira: 22. Zainulabdin, 31. Muhammad Rahiym Dalfi, 17. Abbas Odil Al-Chnani, 21. Ramadan Sediq Shahin, 23. Tomas Gustavo, 77. Muhammad Sami Saleh, 90. Karrar Ali Hasan
Ogohlantirishlar: Stipe Perica (59), Saed Ahmad Alrosan (59), Muslim Musa (63), Bilolxon Toshmirzaev (81), Zoran Marushich (84)
🏁 90+6'. O'yin yakunlandi!
Bosh hakam Adel Alnaqbi hushtagini chalib, uchrashuv rasman nihoyasiga etganini bildirdi. Keskin va shiddatli kechgan bahsda Farg'onaning "Neftchi" klubi Iroqning "Eyr Fors" jamoasi ustidan 1:0 hisobida g'alaba qozonib, muhim 3 ochkoni qo'lga kiritdi!
90+5'. Mozes Orkuma olis masofadan tavakkal qilib darvoza tomon kuchli zarba yo'lladi. Biroq to'p nishonga aniq bormay, maydon tashqarisiga yo'l oldi.
⏱ 90'. To'rtinchi hakam tablosida ikkinchi bo'limning asosiy vaqtiga 6 daqiqa qo'shib berilgani ko'rsatildi. Bahsning eng shiddatli va hal qiluvchi daqiqalari boshlanmoqda.
🔄 88'. "Neftchi" tarkibida o'zgarish: Alisher Odilov o'rnini Anvarjon G'ofurovga bo'shatib berdi.
⚽️ 83'. GOOOOOOOOL! "Neftchi" hisobni ochdi!
Koffi Frank Kuao o'ng qanotdan jarima maydonchasi ichiga ajoyib uzatmani amalga oshirdi. To'pga chiqib borgan Zoran Marushich boshi bilan darvozani aniq nishonga oldi - 1:0!
🔄 83'. "Eyr Fors" tarkibida navbatdagi o'zgarish: uhammad Javad Alg'adab maydonni tark etdi, uning o'rniga Haytam Juini bahsga qo'shildi.
🟨 81'. Bilolxon Toshmirzaev qoidani qo'pol tarzda buzdi. Bosh hakam to'xtamasdan cho'ntagiga qo'l yugurtirib, "Neftchi" yarim himoyachisini sariq kartochka bilan jazoladi.
⚠️ 80'. "Eyr Fors" futbolchilari belgilangan standart vaziyatdan so'ng olis masofadan darvoza tomon kuchli zarba yo'llashdi. Biroq to'p darvoza ustuni yonidan o'tib ketdi.
🟨 79'. Jarima maydonchasi yonida xavfli standart yuzaga keldi: Nurmuhammad Abdug'aniev raqib sardori Saad Abdulameerga nisbatan qoidani buzdi. Bosh hakam vaziyatni to'xtatib, Abdug'anievga sariq kartochka ko'rsatdi.
🔄 72'. Har ikkala jamoa safida navbatdagi o'zgarishlar amalga oshirildi:
"Neftchi" tarkibida Stipe Perica o'rniga maydonga Xurshid G'iyosov tushdi.
"Eyr Fors" safida ham almashtirish qayd etilib, Mohanad Abdulkadhim Al-Jebur va Ali Saad Jabbar ishtirokida o'zgarish ro'y berdi.
⚠️ 68'. Xavfli vaziyat! "Eyr Fors" futbolchilaridan navbatdagi keskin hujum: jarima maydonchasi ichiga uzatilgan to'pga mehmonlar hujumchisi boshi bilan zarba yo'lladi. Botirali Ergashev to'g'ri poziciya tanlab, to'pni ishonchli tarzda egallab oldi.
⚠️ 66'. Xavfli vaziyat va bekor qilingan gol! Mujtaba Mohsin Svayedi jarima zarbasidan to'pni jarima maydonchasi ichiga etkazib berdi. Hujum Muslim Musaning darvoza to'riga yo'llagan aniq zarbasi bilan yakunlandi, biroq yon hakam ofsayd bayroqchasini ko'tardi - gol inobatga olinmadi.
🟨 63'. Muslim Musa Bilolxon Toshmirzaevga nisbatan qo'pollik ishlatdi. Bosh hakam vaziyatni e'tiborsiz qoldirmay, qoida buzgan mehmonlar himoyachisini sariq kartochka bilan jazoladi.
🔄 63'. "Eyr Fors" tarkibida ikkita o'zgarish: Alharet Al-Saeg o'rniga Mujtaba Mohsin Svayedi maydonga tushirilgan bo'lsa, Murad Muhammad Subeh safdan chiqqan Tvisila Kisindani almashtirdi.
⚠️ 62'. Xavfli vaziyat! "Neftchi" o'ng qanotdan jarima maydonchasiga navbatdagi aniq uzatmani amalga oshirdi. Stipe Perica boshi bilan kuchli va xavfli zarba yo'lladi, biroq Muhammad Salih Mejbel ajoyib seyv ko'rsatib, to'pni qaytarishga erishdi.
🟨 59'. Maydonda hissiyotlar junbushga keldi. To'qnashuvdan so'ng Saed Ahmad Alrosan hamda Stipe Perica o'zaro janjallashib ketdi. Bosh hakam vaziyatga aralashib, keskinlikni bartaraf etdi va har ikkala futbolchiga ham sariq kartochka ko'rsatdi.
🔄 56'. "Neftchi" safida navbatdagi o'zgarish: Yan Sasse o'rnini Zoran Marushichga bo'shatib berdi.
⚠️ 56'. Xavfli vaziyat! Koffi Frank Kuao raqib jarima maydonchasi ichidan kuchli zarba yo'lladi. Biroq to'p darvoza ustunining yonginasidan o'tib ketdi, mehmonlar muqarrar goldan omon qoldi.
⚠️ 53'. Xavfli vaziyat! "Neftchi" o'ng qanotdan jarima maydonchasiga uzatma amalga oshirdi: Alisher Odilov boshi bilan to'pni markazga tashlab berdi, qulay imkoniyatga ega bo'lgan Fransisko Jurani darvoza tomon zarba yo'lladi, biroq to'p darvoza to'sinidan ancha yuqoriga uchib ketdi.
⚠️ 50'. Xavfli vaziyat! Koffi Frank Kuao o'ng qanotdan jarima maydonchasi ichiga aniq to'p uzatdi. Qulay vaziyatga chiqib borgan Alisher Odilov o'ng oyoqda darvoza tomon zarba berdi, ammo to'p nishondan biroz noaniq ketdi.
49'. "Eyr Fors" futbolchilari navbatdagi xavfli hujumni rivojlantirib, jarima maydonchasi ichiga yorib kirishdi. Biroq Nurmuhammad Abdug'aniev o'z vaqtida faollik ko'rsatib, to'pni maydon tashqarisiga chiqarib yubordi va xavfni bartaraf etdi.
🔄 46'. Ikkinchi bo'limga start berildi! Tanaffus vaqtida "Neftchi" tarkibida o'zgarish amalga oshirildi: Abrorbek Ismoilov o'rniga Bilolxon Toshmirzaev maydonga tushdi.
⏸ 45+1'. Bosh hakam hushtagini chalib, birinchi bo'lim yakunlanganini bildirdi. Jamoalar tanaffusga yo'l olishmoqda. Hisob ochilmadi - 0:0.
⏱ 45'. To'rtinchi hakam tablosida birinchi bo'limning asosiy vaqtiga 1 daqiqa qo'shib berilgani ko'rsatildi. Jamoalar tanaffus oldidan oxirgi soniyalarni o'tkazishmoqda.
41'. Alisher Odilov chap qanotdan jarima maydonchasi ichiga yorib kirib, qulay imkoniyatga ega bo'ldi. Biroq u sheriklariga uzatma berishni biroz cho'zib yubordi va himoyachi to'pni maydon tashqarisiga chiqarib yubordi - burchak zarbasi.
⚠️ 35'. Xavfli vaziyat! "Neftchi" burchak zarbasini amalga oshirdi: jarima maydonchasi ichiga etkazib berilgan to'pga Stipe Perica boshi bilan zarba yo'lladi, biroq to'p darvoza ustuni yonidan o'tib ketdi.
30'. "Neftchi" standart vaziyatga ega bo'ldi. Yan Sassening jarima zarbasidan uzatgan to'pini raqib himoyachilari ishonchli harakat qilib, jarima maydonchasidan uzoqlashtirishdi.
28'. Raqib jarima maydonchasi ichida bahsli vaziyat yuzaga keldi: to'qnashuvdan so'ng Abrorbek Ismoilov maydonga yiqildi. VAR hakamlari holatni soniyalar ichida tekshirib chiqishdi va bosh hakamga qoida buzilmaganligini ma'lum qilishdi - penalti yo'q, o'yin davom etadi.
23'. "Eyr Fors"ning o'ng qanotdan jarima maydonchasiga uzatgan to'pi kutilmagan xavfni keltirib chiqardi: to'pga chiqishda Botirali Ergashev o'z jamoadoshi Boyan Ciger bilan to'qnashib ketdi. Posbon urib yuborgan to'p esa Muhammad Javadning boshiga tegib, baxtli tasodif bilan darvoza to'riga emas, maydon tashqarisiga yo'l oldi.
⚠️ 16'. Xavfli vaziyat! "Neftchi" futbolchilari ajoyib kombinaciya uyushtirishdi. Alisher Odilov chap qanotdan jarima maydonchasi ichiga yorib kirib, markazga uzatmani amalga oshirdi. Raqib himoyachisi to'pni qiyinchilik bilan maydon tashqarisiga chiqarib yubordi, biroq sal o'tmay yon hakam ofsayd qayd etilganini bildirib bayroqchasini ko'tardi.
12'. Yan Sasse jarima maydonchasi tashqarisidan chap oyoqda kuchli zarba yo'lladi. To'p darvoza ustuni yonidan o'tib ketdi.
10'. "Neftchi"ning o'ng qanotdan uyushtirgan hujumi: Koffi Frank Kuao to'pni oldinga qarab Abrorbek Ismoilovga oshirdi, ammo to'p biroz kuchliroq berilgani bois Ismoilov unga eta olmadi. To'p maydondan chiqib ketdi.
6'. Mehmonlarning yana bir xavfli hujumi. Muslim Musa jarima maydonchasi markazidan chap oyoqda darvoza tomon zarba yo'lladi, biroq himoyachi to'p yo'liga to'g'anoq bo'lib, xavfni bartaraf etdi.
⚠️ 4'. Xavfli vaziyat! "Eyr Fors" futbolchisi himoyachilardan qochib kyetib, darvozabon bilan birga-bir vaziyatga chiqib bordi. Biroq Botirali Ergashev o'z vaqtida to'pga tashlanib, jamoasini muqarrar goldan qutqarib qoldi.
⏱ 1'. Hakamning hushtagi chalindi va bahsga start berildi! Futbolchilar to'pni o'yinga kiritishdi.
Jamoalar maydonga tushib kelishdi. Mezbonlar – "Neftchi" ananaviy sariq-qora, mehmonlar – "Eyr Fors" esa ko'k rangli liboslarda harakat qiladi. Hammasi uchrashuvni boshlashga shay.
