Baxtiyor Ashurmatov: O'yin bo'yicha yigitlarga etirozim yo'q

- Bugun qiziqarli o'yin bo'ldi. Yigitlarga hech qanday etirozim yo'q. Ular g'alaba qozonish uchun oxirigacha kurashishdi va ishonishdi. Afsuski omad bugun Metallurg tomonida bo'ldi.  Raqib futbolchilari yuzaga kelgan vaziyatlardan unumli foydalanishdi va g'alaba qozondi. SHu sababli bugun mag'lubiyatga uchragan bo'lsakda futbolchilarimga o'yin uchun minnatdorchilik bildiraman.  Umuman olganda bugun har ikki jamoa ham yaxshi saviyada o'yin namoyish etdi. O'ylaymanki stadionga kelgan muxlislarga bu o'yin manzur bo'ldi. Afsuski andijonlik ishqibozlarning mag'lubiyatdan keyin hafa bo'lishganini tushunarli xolat. CHunki ular suyukli jamoalaridan doimo g'alaba kutadi. Futbol shundayki doim ham murabbiy o'ylagan rejasi amalga oshavermaydi. Muxlislar yutgan o'yiningdan so'ng murabbiyni qo'llab-quvvatlab, ko'klarga ko'tarishadi. Lekin mag'lubiyatdan so'ng murabbiy aybdor bo'ladi. Bu tushunarli xolat.

- Vaziyatlardan unumli foydalana olmaslik, bugun faqat omad bilan bog'liq deb o'ylayman. Anvar Berdievda ikkita yuz foizli imkoniyat bo'ldi. Tajribali hujumchi faoliyati davomida bunday vaziyatlardan unumli foydalanib, ko'plab gollar urgan. Bugun unga omad kelmadi.

- Albatta 11ta uchrashuvda uch bor g'alaba qozonganimiz juda ham kam deb hisoblayman. Bunga bosh murabbiy sifatida aybdorlikni o'z bo'ynimga olaman. Bunday paytda ikkinchi davra haqida o'ylashga xojat yo'q. CHunki ungacha rahbariyat imkoniyat bermasligi ham mumkin. CHunki muxlislar kutgandek natija qayd eta olmayapmiz. Agarda imkon berilsa, xatolar ustida ishlab, izlanishimiz kerak - deydi Baxtiyor Azamovich.

"Andijon" matbuot xizmati