"Bavariya" "Galatasaroy" himoyachisini sotib olish borasida muzokaralar olib bormoqda

Myunxenliklar 23 yoshli franciyalik futbolchining transferi bo'yicha muzokaralarni boshlab yuborishdi. Manbaga ko'ra, turk klubi futbolchini 25 million evro evaziga qo'yib yuborishi mumkin.

Boe 2021 yilning yozida 1,15 million evro evaziga "Renn"dan "Galatasaroy"ga o'tgan edi. O'shandan beri u istanbulliklar safida 83 ta o'yin o'tkazib, 4 ta gol urdi va 4 ta golli uzatmani amalga oshirdi. Joriy mavsumda u 31 ta o'yinda 2 ta gol urdi.

Futbolchining "Galatasaroy" bilan shartnomasi 2025 yilning yoziga qadar mo'ljallangan. Transfermarkt portali Boeni 22 million evroga baholamoqda.