"Barselona" Neymar uchun 200 mln. evrodan ortiq to'lamaydi

"Kamp Nou"dagilarning fikricha, ayni damda vaqt ular foydasiga ishlamoqda. Kataloniya klubidagilar futbolchi mavsumoldi yig'inga qo'shilishi uchun kelasi dushanbagacha kutishmoqchi. Agar braziliyalik o'z vaqtida klubga safiga qo'shilmasa, uning transfer narxi pasayadi, PSJ esa muammoli o'yinchini o'zida saqlab qolmaydi.

Har qanday holatda ham Ispaniya chempioni Neymar uchun 200 mln. evrodan ortiq pul to'lamoqchi emas. Kataloniya klubi rahbariyatidagilarning fikricha, 2017 yilning yozidan so'ng braziliyalikning narxi pasaygan.