"Barsa" "Uotford" futbolchisi uchun 10 million evro to'lashga tayyor

Xabarlarga ko'ra, kataloniyaliklar 22 yoshli ekvadorlik futbolchini 10 million evroga xarid qilishmoqchi, shundan so'ng esa uni boshqa ispan klubiga ijaraga berib yuborishmoqchi.

Qayd etish kerakki, bu klub "Valyadolid" bo'lishi mumkin. "Osasuna" Estupinyanni 2021 yilning yoziga qadar ijaraga olgan va u bilan bitimda ko'rsatilgan muddatdan oldin xayrlashmoqchi emas. Ammo, "Uotford"da futbolchini erta qaytarish borasidagi huquq ham bor.