"Barsa" bir klub tarkibidan Jahon chempionatiga chaqiruv olgan futbolchilar soni bo'yicha rekord qo'ydi

"Barselona" klubi Jahon chempionatiga o'z tarkibidan rekord darajada ko'p o'yinchi jo'natadi. Kataloniyaliklar tarkibidan 17 nafar futbolchi Jahon chempionatida ishtirok etadi. Ular sakkizta terma jamoa safida to'p tepishadi. 

Bir necha kun oldin bu rekordni Jahon chempionatiga 17 o'yinchi jo'natayotgan "Bavariya" qayd etishi kutilayotgan edi. Biroq, myunxenliklar futbolchisi Sadio Mane jarohati sabab Jahon chempionatida ishtirok eta olmasligi aniq bo'ldi. Senegal esa Sadioni boshqa o'yinchi bilan almashtirdi. SHundan so'ng, Ispaniya terma jamoasi tarkibida ham o'zgarish yuz berdi. Xose Gayya jarohati sabab qaydnomadan so'nggi pallalarda tushib qoldi. Uning o'rniga esa "Barselona" himoyachisi Aleks Balde ispanlar tarkibiga jalb etildi. SHu tariqa, "Barselona" 17 nafar futbolchisini Jahon chempionatiga jo'natib, rekord qayd etadi.