Barak Obama "Barselona" - MYU o'yiniga nima uchun tashrif buyurgani malum bo'ldi
27 iyu 2017 21:34
Yangiliklar

Barak Obama "Barselona" - MYU o'yiniga nima uchun tashrif buyurgani malum bo'ldi

Teglar : Xosep Mariya Bartomeu Barak Obama

Bugun "International Champions Cup" doirasida "Barselona" klubi "Manchester Yunayted"ni 1:0 hisobida mag'lub etgan edi.

Oldinroq, ana shu uchrashuvni AQSH sobiq prezidenti Barak Obama ham kuzatib borgani haqida xabar bergan edik. Obama Merilenddagi "FedEx Field" stadioniga faxriy mehmon sifatida tashrif buyurdi.

"Barselona" prezidenti Xoser Bartomeu uchrashuv tanaffusida vip lojalardan birida Obama bilan uchrashdi.

Bartomeu AQSHning 44-prezidentiga "Barselona" fondining Qo'shma SHtatlardagi faoliyati va klub futbol maktabi haqida gapirib berdi. SHuningdek, Amerikada ayollar jamoasi tuzish rejasi haqida ham aytib o'tdi. Bundan tashqari, tomonlar ushbu loyihani "Barselona" va Obama fondi hamkorligida amalga tadbiq etishni muhokama qilishdi.

Suhbat chog'ida Obama qizi sabab futboga qiziqib qolganini tan oldi va AQSHda "Barselona"ning ayollar jamoasi tuzilishiga qiziqayotganini aytib o'tdi.