Bahrom Hakimov: “Kuchlilar safida o'rnimizni saqlab qolish uchun kurashamiz”

-  O'yin kutilganidek, murosasiz va shiddatli o'tdi, - deya so'z boshladi Bahrom Mamajonovich. - Oxirgi ikki turda navoiyliklar raqiblariga imkoniyatni boy bergan. SHu bois, bugun jamoamizga oson bo'lmasligini bilardik. SHunga qaramay, dastlabki daqiqalardan hujumkor tarkibni maydonga tushirdik. Bugungi o'yin menimcha muxlislarga ham juda manzur bo'ldi. Albatta oddiy vaziyatda gol o'tkazib yuborganimiz bizga qimmatga tushdi. Saviya jihatdan bugun teng kuchli ikki jamoa o'zaro bahs yuritdi. Yaratilgan vaziyatlardan unumli foydalanganimizda balki uyga kamida bir ochko bilan qaytishimiz ham mumkin edi. Qolaversa, jamoamizning o'yiniga bugungi maydonning holati ham salbiy tasir qildi. Ayrim vaziyatlarda futbolchilarimiz o'zlari o'ylagan taktikalarni ishga sola bilishmadi. SHunga qaramay, butun o'yin davomida bizni qo'llab turgan ko'psonli samarqandlik muxlislarga rahmat aytaman.

-  Raqib jamoa haqida biror nima deyishim qiyin. CHunki qayta shakllanayotgan tarkibimiz “Qizilqum” bilan ilk marta kuch sinashdi. CHempionat jadvalida egallab turgan mavqeimiz raqibimizga nisbatan bir muncha murakkab. Oldimizga kuchlilar safidagi o'rnimiz saqlab qolish vazifasi qo'yilgan. Buning uchun bor kuch-imkoniyatni ishga solamiz. Davralar oralig'ida tarkibimizga qo'shilgan Kamoliddin Murzoev va boshqa futolchilar o'z o'yinini topib, muxlislar ishonchini oqlaydi, deb o'ylayman.

-  Hakamlar faoliyatini baholaydigan mutaxassislar bor. Bugungi uchrashuvda Filiposyan, SHotursunovlar jamoamizga yordam bera olishmagandi. Endi keyingi turda Bozorov hamda Xolmurodovlarsiz o'ynashga majbur bo'lamiz. Bu - futbol! Albatta keyingi o'yinlarda muxlislarimizni xursand qilish uchun maydonga tushamiz.

-  Oxirgi malumotlarga qaraganda, kelasi mavsumdan oliy liga jamoalarida legioner darvozabon maydonga tushirilmas ekan. SHu bois, bugungi o'yinda mahalliy darvozabon Muhiddin Xudoyorovga imkoniyat berdik. Melnichuk zaxirada qoldirildi. Menimcha, dastlabki davrada o'yin amaliyotisiz qolganiga qaramay Muhiddin Xudoyorov “Qizilqum”ga qarshi yomon o'yin namoyish etmadi.