Bahrom Hakimov: "Ikkinchi taym boshida ham tezkor kiritigan gollar bizni dovdiratib qo'ydi"

Bahrom Hakimov, “Dinamo” FK bosh murabbiyi: Xuddi mezbonlar kabi biz ham tarkib borasida qiyinchiliklarga duch keldik. Uch nafar asosiy tarkib o'yinchimiz diskvalifikaciya bois maydonga tusha olishmadi. Albatta ularni ayblay olmaymiz. Zero ikkinchi davraning boshida jon koyitib o'ynashganliklari, barcha ehtiros va g'ayratlarini ishga solishganliklari uchun ham shu holatga tushishdi.

Muammolar esa “Metallurg”dek tajribali jamoaga qarshi o'yin arafasida yig'ilib qolganligi esa bizga qimmatga tushdi. Tarkibni yoshlar bilan to'ldirishga urinib ko'rdik. Ammo himoya chizig'i vakillari bir birlarini tushunib olganlariga qadar mezbonlar hisobni ochib olishdi. Ikkinchi taym boshida ham tezkor kiritigan gollar bizni dovdiratib qo'ydi. Farqni minimal darajada qisqatririshgacha erishdik. Afsuski, hisobni tenglashtirishga yaqinlashgan bir paytimizda mezbonlarning tajribali hujumchilari qarshi hamlada hal qiluvchi golni kiritishdi. Alamli mag'lubiyatga uchradik. Nima ham derdik, bu futbol. G'alabalar bilan mag'lubiyatlar yonma yon yuradi.

“Metallurg” har jabhada bizdan kuchli ekanligini isbotladi va biz ularni g'alaba bilan tabriklaymiz. O'z navbatida keyingi o'yinlarda muxlislarimizni ijobiy natijalar bilan quvontirishga harakat qilamiz.