Bahriddin Vahobov: Andijonga faqat g'alaba uchun borgandik

Mazkur bahsda mehmonlar safida faol xarakat qilgan Bahriddin Vahobov mezbonlar etirofi bo'yicha uchrashuvning eng yaxshi o'yinchisi deya tan olindi. SHu bois Vahobovni suhbatga chorlab, qisqacha suhbatlashdik.

- O'yin qiyin o'tishi avvaldan malum edi. SHu bois ikki kun oldin Andijonga borib, jiddiy tayrgarlik ko'rdik. Oldimizga faqat g'alaba qozonish vazifasi qo'yilgandi. SHu maqsadda har birimiz astoydil xarakat qildik va yakunda kerakli natija qo'lga kiritildi.

- Bilsangiz kerak, bungacha qimmatli ochkolarni boy bergandik. SHu bois qanday bo'lmasin Andijonni yutishimiz shart edi. Huddi so'nggi jangga chiqqandek tushdik. O'yin qiyin kechdi. Mezbonlar hisobni ochgach, o'yinni biroz susaytirib yuborgandek tuyuldi. Biz esa yanada katta ishtiyoq bilan oldinga tashlandik. Andijonni ham hozirgi egallab turgan o'rni xavas qilgudek emas. SHuning uchun ularga ham ortga yo'l yo'q edi. Ochko jamg'arish uchun jiddiy kurashdi. Ammo omad Qizilqumga kulib boqdi - deydi Vahobov.