Bahrayn bosh murabbiyi: "Tarkibimizdagi 80 foiz futbolchi havaskor"
22 jan 2019 21:11
Yangiliklar
![](https://championat.asia/upload/storage/473814_original.jpg)
![](/upload/storage/473814_220.jpg)
Bahrayn bosh murabbiyi: "Tarkibimizdagi 80 foiz futbolchi havaskor"
"Bugun Osiyoning eng kuchli jamoalaridan biriga qarshi o'ynadik. 90 daqiqadan so'ng hisob 1:1 edi. Juda qiyin o'yin bo'ldi. Bunday kuchli jamoaga qarshi munosib o'ynadik. Jamoamdagi 80 foiz futbolchi havaskor, ularning boshqa ishi ham bor. Ular Janubiy Koreya bilan tengma teng o'ynashdi. Ishlashda davom etishimiz kerak, shunda bizni yorqin kelajak kutmoqda. Asosiy vaqt tugagach ko'pchilik penaltilar seriyasi haqida o'ylab qolgan bo'lsangiz kerak. Ammo oldinda qo'shimcha taymlar bor edi. Bu biz uchun katta tajriba. Endi futbolchilarim o'ziga yanada ko'proq ishonadi.
Uchrashuvdan keyin statistikani ko'rdim, burchak to'plari va darvozaga berilgan zarbalar bo'yicha ustunlik qilibmiz. Bugun Koreya kuchli bo'lgani uchun emas, aqlli o'ynagani uchun yutdi.
Bir haftadan keyin mening shartnomam tugaydi. Kelajagim haqida bilmayman. Bahraynda qolamanmi yoki yo'qmi hozircha bilmayman. Barchasi rahbariyatning qaroriga bog'liq.
Faoliyatim davomida birinchi marta qo'shimcha taymda darvozabonni almashtirishimga to'g'ri keldi", - deydi Soukup.
O’xshash yangiliklar
![AMP Logo](https://championat.asia/image/logo-amp.png)
Fikrlar