Aziz Haydarov: “Bizni o'rnimizni bosadigan yosh umidli futbolchilar chiqib kelmoqda”
29 mar 2017 17:04
Yangiliklar
![](https://championat.asia/upload/storage/246677_original.jpg)
![](/upload/storage/246677_220.jpg)
Aziz Haydarov: “Bizni o'rnimizni bosadigan yosh umidli futbolchilar chiqib kelmoqda”
Ushbu bahsdan so'ng O'zbekiston milliy terma jamoasi futbolchisi Aziz Haydarov o'z fikrlari bilan o'rtoqlashdi.
“Qatar terma jamoasiga qarshi bahsdan oldin bizni g'alabadan boshqa narsa qoniqtirmasligini barcha futbolchilar yaxshi tushinib turgandi. Barchamiz ushbu uchrashuvga xuddi final uchrashuvidek chiqdik. Yakunda ijobiy natijaga erishdik. Murabbiyimiz qantay taktika tanlagan bo'lsa xuddi shunday o'yin ko'rsatdik.
To'g'ri, Qatar terma jamoasi ham kuchli o'yin ko'rsatdi, lekin natijani biz qo'lga kiritdik. Afsuski safarda Suriya terma jamoasiga mag'lub bo'ldik. Xayotda faqat oldinga intilib yashash kerak. Jahon chempionatida ishtirok etish nafaqat muxlislarni balki murabbiy va futbolchilarning ham orzusi. Har doim muxlislar biz bilan birga bo'lishini istardim. Muxlislarga birgina etirozim bor, futbolchi yaxshimi yomonmi maydondan chiqib ketayotganda ularni olqishlar bilan kuzatib qo'yish kerak. Nimaga? Bu narsa etika deyiladi. 2-3 yildan so'ng biz ham milliy terma jamoamiz muxlisi bo'lamiz. Bizni o'rnimizni bosadigan yosh umidli futbolchilar chiqib kelmoqda.
SHuning uchun ham mana shunday narsalarni tushunib etishimiz kerak. Bu safar mag'lub bo'lgan bo'lsa ertaga g'alaba qozonadi. Ertangi o'yindan oldin muxlislar futbolchilarni ruhini sindirib qo'yishi kerak emas. Futbolchilarning ruhi mana shunday ko'tariladi. Muxlislar bo'ladimi, murabbiy yoki futbolchilar, barchamiz bitta maqsadda harakat qilsak Jahon chempionatiga albatta chiqamiz”, - deydi O'zbekiston milliy terma jamoasi azosi Aziz Haydarov.
Jahongir Sotvoldiev suhbatlashdi
O’xshash yangiliklar
![AMP Logo](https://championat.asia/image/logo-amp.png)
Fikrlar