"Atletiko" "Barselona"ning sobiq murabbiyini taklif qilishi mumkin

Seshanba kuni mehmonda “Portu”dan mag'lub bo'lgan (1:2) “matraschilar” guruhda so'nggi o'rinni egalladi va hatto Evropa Ligasi yo'llanmasidan ham mahrum bo'ldi.

OAVda "Atletiko" bosh murabbiy sifatida Diego Simeoneni almashtirishi mumkinligi haqida mish-mishlar tarqalmoqda. Manbaning xabariga ko'ra, bir vaqtlar "Barselona"da ishlagan Luis Enrike "matraschilar"ning yangi murabbiyi bo'lishi mumkin. Manbaga ko'ra, Madrid klubi allaqachon Enrikening vakillari bilan bog'langan.

Luis Enrike ayni damda Ispaniya terma jamoasi bosh murabbiyi hisoblanadi.

Eslatib o'tamiz, Diego Simeone “Atletiko”ni deyarli 11 yildan beri boshqarmoqda.