"Atalanta" sensaciyasi davom etadimi yoki PSJ 25 yil deganda yarim finalga chiqadimi? Prevyu

Koronavirus pandemiyasi tufayli chorak va yarim final o'yinlari bitta uchrashuvdan iborat bo'ladi hamda Portugaliyaning Lissabon shahrida bo'lib o'tadi. Final ham aynan shu erda o'tkaziladi.

"Atalanta" bu mavsum Evropa chempionlar ligasida debyut qilmoqda. Klub 29 yil deganda evrokuboklar chorak finaliga chiqishga erishdi. PSJ esa oxirgi 8 mavsumda beshinchi bor ECHL chorak finaliga etib keldi. Biroq parijliklar 1995 yildan buyon yarim finalga chiqa olishmayapti. Bu mavsum barcha musobaqalarni hisobga olganda "Atalanta" 47ta o'yinda 115ta gol urdi, PSJ esa 46ta uchrashuvda 131ta to'p kiritdi.

"Atalanta" yaqinda yakunlangan Italiya A seriyasida 3-o'rinni egalladi. Jamoa chempionatda 98ta gol urdi va bu borada rekord o'rnatdi. ECHL guruh bosqichini esa uchta mag'lubiyat bilan boshlagandi. Keyingi uchta o'yinda 7 ochko to'plagan Jan Pero Gasperini shogirdlari keyingi bosqichga chiqishdi. Nimchorak finalda Ispaniyaning "Valensiya" klubi osonlik bilan (4:1, 4:3) dog'da qoldirildi.

PSJ esa Franciya chempionati muddatdan avval tugatilgani bois uzoq muddat rasmiy o'yinlarsiz qolib ketdi. Yoz fasli o'rtasida Franciya kubogi so'ngra Franciya liga kubogini qo'lga kiritdi. CHempionlar ligasi guruh bosqichida parijliklar 6ta o'yinda 17ta gol urishdi va 16 ochko to'plashdi. CHorak final yo'lida Dortmundning "Borussiya"siga safarda yutqazib qo'ygan (1:2) PSJ o'z maydonida 2:0 hisobida g'alaba qozondi.

Bugun "Atalanta"ga asosiy darvozabon Perluidji Gollini jarohat tufayli yordam bera olmaydi. Jamoaning bu mavsum ECHLdagi to'purari Yosip Ilichich (5ta gol) shaxsiy sabablarga ko'ra maydonga tusha olmaydi.

PSJda ham yo'qotishlar bor. Kilian Mbappening maydonga tushishi so'roq ostida, biroq u ham jamoa bilan birga Portugaliyaga kelgan. Anxel Di Mariya diskvalifikaciya qilingan, Verratti va Kyurzavada jarohat bor.

"Atalanta" - PSJ
12 avgust. Lissabon. "Eshtadiu da Luj" stadioni. 23:59.
Bosh hakam - Entoni Teylor (Angliya).
Translyaciya - "Futbol TV", "Match-TV, MATCH! Futbol 1".
TAXMINIY TARKIBLAR: 
"Atalanta": Sportello; Palomino, Toloy, Djimshiti; Xatebur, de Roon, Froyler, Gosens; A. Gomes, Malinovskiy; Sapata
O'ynamaydi: Gollini (jarohat), Ilichich (shaxsiy sabab)

PSJ: Navas; Kerer, Tyago Silva, Kimpembe, Bernat; Errera, Markinos, Geye; Sarabiya, Ikardi, Neymar
O'ynamaydi: Di Mariya (diskvalifikaciya), Verratti (jarohat), Kyurzava (jarohat)
So'roq ostida: Mbappe (jarohat)

Muallif taxmini: "Atalanta"ga yo'qotishlar pand berishi mumkin, PSJ tajriba evaziga yarim finalga chiqadi.

Atalanta Mario Pasalic - 27'

Champions League Final Stage . 1/4-tur 13/08/2020, 00:00 2 : 1 Tugadi

Paris Saint-Germain Marquinhos - 90', Eric Maxim Choupo-Moting - 90'

Stadion: Estadio da Luz, 0 tomoshabin

Bosh hakam: Anthony Taylor

45'

90'

27'  Mario Pasalic

27'  Duvan Zapata

37'  Berat Djimsiti

45'  Remo Freuler

50'  Marten de Roon

53'  Duvan Zapata

60'  Alejandro Gomez (Ruslan Malinovsky)

60'  Berat Djimsiti (Jose Luis Palomino)

67'  Rafael Toloi

70'  Mario Pasalic (Luis Muriel)

82'  Robin Gosens (Timothy Castagne)

82'  Duvan Zapata (Jacopo Da Riva)

85'  Jose Luis Palomino

55'  Juan Bernat

57'  Ander Herrera

60'  Pablo Sarabia (Kylian Mbappe)

72'  Ander Herrera (Julian Draxler)

73'  Idrissa Gana Gueye (Leandro Paredes)

76'  Leandro Paredes

79'  Keylor Navas (Sergio Rico)

79'  Mauro Icardi (Eric Maxim Choupo-Moting)

90'  Marquinhos

90'  Neymar

90'  Eric Maxim Choupo-Moting

90'  Kylian Mbappe

Match-senterda ochish

Narzulla tayyorladi