Asror Aliqulov: "Superliga jamoalari ham "Olimpik" darvozasini ishg'ol qilishda qiyinchilikka duch kelishmoqda"

- O'yin haqida

- "Olimpik" jamoasi to'pni yaxshi nazorat qildi va hujumdan himoyaga tez o'tdi. Superliga jamoalari ham ularning darvozasini ishg'ol qilishda qiyinchilikka duch kelishmoqda.  Biz shundan kelib chiqib uzun paslar orqali yoki qarshi hujumda o'ynashga intildik. Gol urdik, ammo afsuski, o'yin so'ngida o'z darvozamizdan to'p olib chiqib, g'alabani qo'ldan chiqardik. Endi kutamiz, balki 3-o'rin orqali guruhdan chiqarmiz.

- Hakam bugun 8 ta sariq kartochka ko'rsatdi. Bu o'yinga xos bo'ldimi?

- Hakamlarni nazorat qiluvchi tashkilot bor. O'ylaymanki, ular xatolarni ko'rib chiqishmoqda. Hakamlar to'g'risida gapirish taqiqlangan. Muxlislardan ham ko'p etirozlar bo'ldi. Ishqibozlar stadionlarga qaytishida hakamlar ham hissa qo'shishi kerak, buni o'ylab ko'rishimiz lozim.

- "Olimpik" futbolchilari tez-tez yiqilib tushishdi. Jamoadan shunaqa o'yinni kutganmidingiz va ularda boshqa o'yinlarda ham shunday holatlarni kuzatganmisiz? 

- Kuzatganmiz. Futbolchilarining aksariyatida dribling yaxshi, shu bois aldashga kirishadi. Ayrim vaziyatlarda biz qo'pollik qilamiz, bazi holatlarda ular yiqilishadi. Bunga ko'p ham etibor qaratish kerak emas.

- "SHo'rtan" himoyaviy o'ynagani yaxshimidi yoki ko'proq hujum qilgani?

- Hujumda o'ynash xavfli edi, chunki "Olimpik" qarshi hujumlar orqali juda ko'p gollar urgan. Biz himoyadan chiqishda to'pni yo'qotmaslikka harakat qildik.

-  Yarim himoyada harakat qilgan Farhod Imamovning o'yini haqida qanday fikrdasiz?

- Imamov jarohati bois hali ko'p ham o'ynamadi. U tez charchab qolyapti. SHuning uchun o'tgan o'yinda 60 daqiqa o'ynatgandik. Lekin uning bugungi o'yinidan mamnunmiz.