Asror Aliqulov: “Ayrim futbolchilarimiz Universiada-2022 musobaqasida ishtirok etishmoqda”

O'yin haqida

- "Zomin" jamoasi to'p bilan yaxshi ishlaydi. SHu boisdan ham biz ularga imkoniyat bermaslikka harakat qildik. Raqib hujumlariga qarshi hujum uslubi bilan javob bergan xolda vaziyatlar yaratdik, gollar urdik. 

"Zomin" yaxshi jamoa, chiroyli futbol namoyish etayapti. Ammo natija borasida ulardagi vaziyat qoniqarli emas deb o'ylayman.

- “SHo'rtan" ikkinchi bo'limda o'yinni bir oz sustlashtirdi. Bu avvaldan o'ylangan reja edimi?

- Yo'q, biz buni reja qilmagandik. O'yinning borishi shunday bo'ldi. Bizda Universiada-2022 musobaqasiga ketgan futbolchilar bor edi. Ular o'yinga 2-3 soat qolganda etib kelishdi. Balki charchoq alomatlari ko'ringan bo'lishi mumkin.

- Intervyularingizdan birida "SHo'rtan" futbolchilarining tezligi sizni qoniqtirmayotgani haqida aytgandingiz. Bu xolat qaysi o'yinlarda pand berdi?

- Futbolda tezlik va faqat tez yugurish, tez chopishdan iborat emas. Bunda tez fikrlash, tez qaror qabul qilish va to'p bilan tezroq ishlash kabi omillar bor. Hozirgi Pro-ligada tezlik muhim o'rin egallaydi. 

- Muhriddin Zoirovni ikkinchi bo'limda tushirilishining sababi nimada?

- Aytib o'tganimdek, ayrim futbolchilarimiz Universiada-2022 musobaqasida ishtirok etishmoqda. Muhriddin ham bugun Termizda futbol uchrashuvida o'ynagandi. SHu bois uni zaxiradan maydonga tushirdik.

- "SHo'rtan" ishtirokidagi o'yinlarda stadion muxlislar bilan to'lmayotganini qanday izoxlaysiz?

- Albatta, bu natijalarga ham bog'liq. "SHo'rtan" avval Superligada ishtirok etgan. SHu davrda qo'shni shahar va tumanlardan muxlislar kelishardi. Hozir Pro-ligada o'ynayotgani sabab faqat mahalliy muxlislar o'yinlarga tashrif buyurishmoqda.