Asror Aliqulov: "500lik dovonni zabt etganimdan so'ng faoliyatimni yakunlamoqchiman"

"Uchrashuvni yaxshi boshlagandik. Har ikkala jamoa ham to'p nazoratini o'z qo'liga olishga harakat qildi. Biroq birinchi bo'limning ikkinchi yarmida "Bunyodkor"da gol urish uchun imkoniyatlar paydo bo'ldi va ularning ikkitasidan "qaldirg'ochlar" unumli foydalana olishdi. Umuman o'yin borishi bilan "Bunyodkor" uchrashuvdagi ustunlikni o'z tomoniga og'dirib oldi. Ikkinchi bo'limda esa "Bunyodkor" asosiy etiborini himoya qaratgan xolda qarshi hujumlarda o'ynadi. Hisob 3:0 bo'lganidan so'ng maydon egalari bemalol harakat qilishdi. Himoyadagi kamchiliklar? So'nggi o'yinlarda himoyada ko'plab xatolarga yo'l qo'ymoqdamiz. Bu nima bilan bog'liq? Menimcha, himoya chizig'idagi ko'plab o'zgarishlar, shuningdek qanot himoyasida harakat qilayotgan futbolchilar asosan yarim himoyachilar hisoblanishadi. SHu bois ular hujumga o'tishganida himoyaga qaytishga ulgurishmayapti, xatolar yuzaga kelmoqda. Ikkinchi davrada biz taktika tomonidan jiddiy ishlamasak bizga yanada qiyin bo'lishi aniq. Jismoniy holatim ozgina qoniqarsiz darajada. Bir xil tempda o'ynash menga qiyin bo'lmoqda. Hozircha kuchim borku, lekin muntazam yuqori darajada o'ynash og'irlik qilmoqda. Yoshi katta futbolchilar asosan mashg'ulotlarda mehnat qilishi kerak. Tajriba o'z yo'liga, lekin jismoniy holatingiz yaxshi bo'lmasa futbolchiga tajriba ham yordam bera olmaydi. Oliy ligada 500lik dovonni zabt etganimdan so'ng faoliyatimni yakunlash haqida o'ylab ko'raman. Hozir asosiy etiborni aynan shunga qaratganman. Ko'plab muxlislar ham qo'ng'iroq qilib, yubiley o'yinga oz qolganini aytishmoqda va 500-uchrashuvni o'tkazishimni istashmoqda. Men uchun ham bu juda muhim. CHunki bu tarixda qoladi", - deydi Asror Aliqulov.


Eslatib o'tamiz, Asror Aliqulov "Bunyodkor"ga qarshi o'yinda o'zining Oliy ligadagi 497-uchrashuvini o'tkazdi.


SHahboz Beg'amov suhbatlashdi.