Arteta: “Tyago “Barselona”daligidayoq menga yoqardi, u ajoyib futbolchi”
26 sen 2020 00:53
Yangiliklar

Arteta: “Tyago “Barselona”daligidayoq menga yoqardi, u ajoyib futbolchi”

“Arsenal” bosh murabbiyi Mikel Arteta “Liverpul” yarim himoyachisi Tyago Alkantara haqida o'z fikrlarini bildirar ekan, APL navbatdagi turida mersisaydliklarga qarshi kechadigan bellashuvga ham to'xtalib o'tdi.

“Biz transfer bozoridagi holatimizni tahlil qilayotganimiz yo'q, ammo Tyago menga “Barselona”dagi vaqtidan buyon yoqadi. Takrorlanmas shaxs, katta talant egasi. Yarim himoyachi uchun barcha xislatlarga ega. O'ylashimcha, u “Liverpul” uchun ajoyib futbolchi.

O'tgan mavsumda kubok va chempionatdagi bahslarimiz turlicha kechgandi. Bu safar esa holat mutlaqo boshqacha. “Liverpul” o'yin borasida barcha jihatlarda o'z ustunligini namoyish etmoqda. Biz yaxshi formada bo'lishimiz kerak. Dushanba kungi bellashuvda g'alaba uchun ijobiy taraflarimizni namoyon etishimiz kerak bo'ladi”, deya Artetaning so'zlaridan iqtibos keltirmoqda Sky Sports.

“Arsenal” va “Liverpul” o'rtasidagi bellashuv 28 sentyabrdan 29 sentyabrga o'tar kechasi soat 00:01 da boshlanadi.

Havola :

Manba : Sky Sports

Yangiliklarni Telegramda o'qing!

Reyting: +7