Arteta rahbariyatga iltimos bilan chiqdi

Premer-liga etakchisi yanvarda "Nyukasl", "Tottenxem" va "Manchester Yunayted" kabi jamoalar bilan to'qnash keladi.

Arteta jamoasining eng yaqin taqibchisi "Manchester Siti"ni besh ochkoga ortda qoldirmoqda, jamoa bugun "Vest Xem" bilan o'yin o'tkazadi. 

Avvalroq Arteta aytib o'tganidek, "Arsenal" qishqi transferlar oynasida faol bo'ladi va uning fikricha, o'yinchilarni transfer qilish tezligi jamoaning mavsum yakunidagi natijalariga tasir qilishi mumkin.

3 yanvarda "Nyukasl" bilan bo'ladigan uchrashuvdan so'ng Angliya Kubogining "Oksford"ga qarshi uchinchi bosqich bahsi kutib turibdi, 15 yanvarda esa "Tottenxem" bilan o'yin va bir haftadan so'ng "Manchester Yunayted"ga qarshi uchrashuv bor.

"Biz yoz boshida futbolchilarni ertaroq sotib olish qanchalik muhimligini bilardik va yanvar oyida ham shunday qilishini xohlaymiz", – dedi Arteta.

Artetaga chempionlik uchun poygada har bir o'yin muhimligini aytishganda, u shunday dedi: "Mutlaqo to'g'ri. Ushbu ligadagi bunday raqobat bilan, ayniqsa so'nggi to'rt yoki besh yil davomida bo'lgan standartlar va raqobatdan kelib chiqsak, shunday xulosaga kelsak bo'ladi. Premer-liga o'tmishda bo'nday tajribani boshidan o'tkazmagan – biz har bir ochko juda muhimligini bilamiz".

Gabi Jezusning jarohati "Arsenal"ning hujumchiga bo'lgan ehtiyojini yanada oshirdi va "SHaxtyor" vingeri Mixail Mudrik ularning asosiy maqsadi. Arteta jamoaga to'g'ri keladigan o'yinchilarni imzolash kerakligini takrorladi. 

"Bizga jamoani kuchliroq qiladigan futbolchilar kerak".

Arteta sport direktori Edu va direktorlar kengashiga ishonadi: "Biz izlayotgan futbolchilarimizni ko'p kuzatamiz. Ularni transfer qilish mening nazoratimdan tashqarida bo'lgan ko'p narsalarga bog'liq. Nazariya shuni ko'rsatadiki, bu juda murakkab transferlar oynasi bo'ladi".

Arteta g'oliblik mentalitetiga ega futbolchilar bilan shartnoma imzolamoqchi.

"Biz "Arsenal" turnir jadvalining cho'qqisida bo'lishi kerak deb hisoblaymiz".