"Tottenxem" "Chelsi" hujumchisi Romelu Lukakuga qiziqish bildirmoqda. Bu haqda jurnalist Alfredo Pedulla xabar berdi.
Manbaning xabariga ko'ra, London klublari vakillari ehtimoliy transfer borasida allaqachon bog'lanishgan. Tomonlar ehtimoliy kelishuv shartlarini muhokama qilishgan.
"Ko'klar" Lukaku bilan hisoblashmaydi. "Yuventus" 30 yoshli hujumchi uchun asosiy da'vogar sanaladi, biroq turinliklar futbolchining transferi borasida "Chelsi" bilan hali kelishib olgani yo'q. O'z navbatida, "Tottenxem" "Bavariya"ga o'tgan Harri Keynga o'rinbosar qidirmoqda.
