Anvar Rajabov: "Mochinov meni yig'inga chaqirmadi"

Joriy mavsum avvaliga "Andijon" uchun to'p tepgan futbolchi davralar oralig'ida "Buxoro"ga o'tgandi. Lekin uning jamoa alshmashtirishi ham foydali bo'lib chiqmadi. Yangi mavsumga Aleksandr Mochinov boshchiligida tayyorgarlikni boshlagan buxoroliklar yig'inida Anvar Rajabovni ko'rmayapmiz. SHu bois uning o'zi bilan bu borada suhbatlashganimizda quyidagilarni takidladi.

"To'g'risi, bu yilgi mavsum men omadli kechmadi. O'yinimdan qoniqmadim desam ham bo'ladi. Hozircha uyda dam olyapman. Buxoroni tark etdim. Jamoa bilan kelishuvimiz mavsum so'nggiga qadar edi. Bilasiz endilikda "Buxoro"da yangi murabbiy ish boshladi. U esa meni yig'inga chaqirmadi. Endi taqdirimni boshqa klub bilan bog'lamoqchiman. Oldimda bir nechta variantlar turibdi. Yanvar oyida hammasi malum bo'ladi. Garchi hozir uyda bo'lsamda, o'zim yakka tartibda shug'ullanib turibman. Umid qilamanki kelasi yil men uchun hammasi yaxshi bo'ladi", - deydi Rajabov.