Anvar Berdiev: “Futbolchilarimiz bugun qandaydir ishonchsiz harakat qilishdi”
29 avg 00:32
Yangiliklar
![](https://championat.asia/upload/storage/800163_original.jpg)
![](/upload/storage/800163_220.jpg)
Anvar Berdiev: “Futbolchilarimiz bugun qandaydir ishonchsiz harakat qilishdi”
O'yin haqida
- “Mashal” jamoasini g'alaba bilan tabriklayman. Futbolchilarimiz bugungi uchrashuvda qandaydir ishonchsiz harakat qilishdi. Buni ko'rib chiqib, tahlil qilamiz.
- G'uzordagi o'yinda jamoaningiz “kambek” evaziga “Mashal”ni mag'lub etgandi. O'sha va hozirgi “SHo'rtan” o'rtasida qanday farq bor?
- Farq yo'q albatta. Lekin o'yinda farq bo'ladi. Futbolchilarning o'yinga tayyorgarligi va ishtiyoqi ko'p narsani hal qiladi. Bizda bugun ishtiyoq etishmagandek ko'rindi.
- Voha derbisi kabi markaziy o'yinlarda legionerlarga ehtiyoj sezasizmi?
- To'g'risi, mahalliy futbolchilarga ishonch bildiraman. Legionerlar bilan ishlash hohlaysizmi, yo'qmi qiyin. Mahalliy futbolchilarga ko'proq imkon bersak, bu futbolimiz uchun foydali bo'ladi.
- Qiyinchilik moddiy jihatdanmi yoki til bilan bog'liq muammo tufaylimi?
- Til masalasi ham bor. Futbolchilik vaqtimda ko'rganman, legioner futbolchilar kamdan-kam holatda jamoa uchun jon kuydirib o'ynaydi. Asosan mahalliy futbolchilarga imkon berishga shu boisdan ham harakat qilaman.
- “SHo'rtan” Pro-ligada gol o'tkazib yuborish bo'yicha 3-o'rinda ekan. Davralar oralig'ida himoyani mustahkamlash bo'yicha qanday ishlar olib bordingiz?
- Davralar oralig'ida himoya chizig'i bo'yicha ishladik. Futbolchi maydonga chiqqanida hushyorlikni yo'qotmasligi lozim. Hakam hushtagi chalinib boshlangandan to tugagunicha hushyorlik talab etiladi, yoki raqib sizni jazolaydi.
- Bugun Pro-ligada VAR tizimi ishlaganiga guvoh bo'ldik. Bu haqida fikringiz qanday?
- Albatta, VAR tizimi bo'lgani yaxshi. Futbolchilar maydonda ehtiyotkor harakat qilishadi. Superligada ko'rayapmiz, har bir futbolchi o'z harakatlarini nazorat ostiga olayapti. VAR tizimi bo'lsa, bu yaxshi.
- Bugungi natijadan so'ng “Mashal” jamoangizdan 7 ochkoga ilgarilab ketdi. Nima deb o'ylaysiz, birinchi va ikkinchi o'rinlar uchun kurash davom etadimi?
- Albatta, kurash mavsum oxiriga qadar davom etadi. Pro-ligada o'tkinchi o'yinlar bo'lmaydi. Har bir ochko uchun kurash jiddiy kechayapti.
O’xshash yangiliklar
![AMP Logo](https://championat.asia/image/logo-amp.png)
Fikrlar