Angliyada Fabinoning uyi futbolchi chempionlikni nishonlayotgan payt o'marib ketildi. Bu birinchi holat emas

Jinoyat uyda hech kim bo'lmagan payt ro'y berdi. Uy egalari 23 iyul kuni ertalab kelishdi va uy o'marilganini aniqlashdi.

Voqea 22 iyul kuni soat 15:00dan 23 iyul kuni soat 04:00ga qadar bo'lgan deb taxmin qilinmoqda.

Bir necha zargarlik buyumlari, shuningdek kulrang Audi RS6 ham "uxlatib" ketilgan. Keyinchalik esa mashina topilib, egasiga qaytarilgan.

Bu "Liverpul" o'yinchilarining birinchi marta tunalishi emas. 2019 yilda jamoa "Bavariya" bilan o'ynagan paytda Sadio Manening uyiga o'g'rilikka tushishgan. Bungacha Deyan Lovren va Roberto Firminolar ham jinoyatchilar qurboni bo'lishgan.