Andrey Kanchelskis: "Oston bugun futbol haqida o'ylamadi"

- Ikkinchi o'yinda ham darvozabon xatolar qilmoqda. Buni tushuntirish og'ir. Barchasini o'rganib chiqamiz. Birinchi o'yinda qanday xatolar qildik-u, ikkinchi o'yinda qanaqa xatolarga yo'l qo'ydik. Albatta, himoyada ishonchli o'ynashimiz kerak. Agarda xato qilmaganimizda, o'yin adolatli 0:0 hisobi bilan yakunlangan bo'lardi. Ha, "Navbahor" ikkinchi bo'limda sekin o'ynadi deyishingiz mumkin. "Lokomotiv" katta ustunlikka ega bo'ldi. SHu boisdan, ularda ko'proq vaziyatlar bo'ldi. Mag'lub bo'lishni istamagandik, o'yinni qutqarib qolish uchun ikkinchi hujumchini tushurgandik. Biroq o'xshamadi. Nima ham derdim, g'alaba bilan tabriklayman.

Oston O'runov bugun futbol haqida o'ylamadi. Uning oilaviy muammolari ruhiy holatiga jiddiy tasir o'tkazdi. Albatta, uni almashtirganimga o'zim ham achindim. Vaziyat shuni taqozo qilgani uchun shu holat ro'y berdi.

Ikkinchi bo'limga qadar raqiblarga imkoniyat bermadik. Raqiblar bizni o'zlarining paslari bilan yorib o'ta olishmadi. SHu boisdan golga qadar himoyachilarimga hech qanday etiroz bildira olmayman. 

Xatolarsiz o'yin bo'lmaydi. Avvaliga jarima zarbasi, keyinchalik ikkinchi qavatda imkoniyatni boy berdik. So'nggi zarba berilishiga yo'l qo'ydik. Xatolar zanjiri tufayli biz mag'lubiyatimizga sababchi bo'ldik.