Andrea Pirlo: "Men o'sishga erishdim. Yangi mavsumda ham o'zimni "Yuventus" murabbiyi sifatida ko'ryapman"

"Men uchun mavsumni Italiya Kubogini va ECHL yo'llanmasini qo'lga kiritgan holda yakunlash muhim edi. Men doimo bor kuchimni bajarayotgan ishimga bag'ishlayman va mana buning natijasi. Kelajagim borasida qaror qabul qilishi kerak bo'lgan insonlarning navbati keldi. O'zimni keyingi mavsum ham "Yuventus" ustozi sifatida ko'ryapman. Bu haqida rasman elon qilishdan faqatgina baxtli bo'lardim, ammo hozircha erishgan natijalarimizdan zavqlanishimiz mumkin.

Yangi mavsumda "Yuventus" yanada kuchayishiga ishonaman. Bazi futbolchilar o'z iqtidori va nimalarga qodir ekanligi haqida tasavvurga ham ega emas. Biz elkama-elka harakat qilsak, albatta to'g'ri yo'nalishda davom etib, maqsadga erishamiz. Yangi mavsumda ham birga bo'lsak, bizda kuchli poydevor bo'lardi.

Men hech qachon qo'rquv ichra qolmaganman. SHunchaki, mashg'ulotlar jarayonini yo'lga qo'yish, yigitlarga nimalarni istayotganimni tushuntirish uchun vaqt kerak bo'ldi. Tarkibda bu qadar ko'p chempion bilan ish boshlash oson bo'lmadi, lekin hamma menga ko'maklashishga harakat qildi. Men murabbiy sifatida o'sishga erishdim. Mavsum turli sabablarga ko'ra og'ir bo'ldi, ammo bu meni yanada kuchliroq qildi", — deya Pirlo so'zlaridan iqtibos keltiradi Football Italia.