So’nggi yangiliklar

23:53Скотт Мактомини: "Неаполдаги ҳаёт умуман бошқача"  0 23:25Қирғиз Республикаси термаси собиқ бош мураббийи "Алга"ни бошқаради  0 22:42А Серия учрашуви Австралияда ўтказилиши мумкин  0 22:16"Милан" ва "Вулверхэмптон" Олимпиадада Ўзбекистонга гол урган футболчига қизиқмоқда  5 21:50Чиро Иммобиле "Болонья"га ўтди  0 21:21Кунья 10-рақам ҳақида: "Бу мени ғурурлантиради"  1 20:53Диёр Имомхўжаев "Soccer club" ва "Футбол шарҳи" кўрсатувларининг ёпилиш тарихи ҳақида гапириб берди  12 20:24Расман: Эдин Жеко А Серияга қайтди  0 20:00Фердинанд: "Энрике Дембелени суперюлдузга айлантирди, у Мбаппедан ҳам муҳимроқ футболчи бўлиб олди"  7 19:38"Динамо" футболчиси бошқа жамоага йўл олди  0 19:16Ашурматов: "Ҳусанов "Манчестер Сити"га ўтганидан кейин ўзгариб қолмади"  5 18:49Жота иштирокидаги ҳалокатли воқеа гувоҳи баёнот берди  1 18:21Касорлани албатта Ла Лигада кўрамиз. У яна бир мавсум "Овьедо"да қолади  1 17:57​"Челси" Мадуэкенинг нархини кўтарди. Бу "Арсенал"ни қўрқитмоқда  4 17:34АПЛнинг икки клуби "Манчестер Сити" футболчисига қизиқиш билдирмоқда  1

“Andijon” nazorat uchrashuvida “Cementchi”ni mag'lub etdi Yangiliklar

“Andijon” nazorat uchrashuvida “Cementchi”ni mag'lub etdi

Teglar :  AndijonCementchi
Joriy mavsumga astoydil tayyorgarlik ko'rayotgan andijonliklar o'z maydonida super liga ishtirokchisi bo'lgan Quvasoyning “Cementchi” jamoasiga qarshi bahs olib bordi.

Mazkur o'rtoqlik o'yini Andijon shahridagi Bo'ston dahasida joylashgan “Viloyat bolalar va o'smirlar futbol maktabi”ning maydonida tashkil etildi. Garchi uchrashuv nazorat-sinov maqomi ostida o'tgan bo'lsada, maydonda keskin kurash kechganini takidlash lozim. Jamoalar g'alaba ilinjida astoydil xarakat qildi. Qolaversa har ikki klub tarkibida ko'rikda bo'lib turgan futbolchilar o'zlarini ko'rsatish uchun ham maydonda bor kuchini berib o'ynadi.  
 
Jamoalar gol urish uchun bir nechta xavfli vaziyatlarni yuzaga keltirgan bo'lsada, birinchi taymda hisob ochilmadi. Ikkinchi bo'limda esa har ikki jamoa safida o'zgarishlar yuz berdi.

Maydon markazida mehmonlar o'yin qoidasini buzdi. Belgilangan jarima to'pini himoyachi Dilmurod Mahmudov amalga oshirdi. To'p “Cementchi” jarima maydoniga oshirib berilgach, himoyachi Iqbol Boboxonov va darvozabon Farrux Turdaliev o'rtasida o'zaro tushunmovchilik yuzaga keldi. Natijada to'p darovza to'ridan joy oldi – 1:0.


SHundan so'ng quvasoyliklar hisobni tenglashtirishga urindi. Ammo uchrashuvda boshqa gol qayd etilmadi. Natijada nazorat o'yini “burgutlar”ning g'alabasi bilan yakun topdi. Asosiysi bu kabi sinov-nazorat o'yinlarida murabbiylar natijadan ham ko'ra, qo'li ostidagi futbolchilarning imkoniyatlarini yana bir bor ko'zdan kechirib oldi.  

SHu tariqa “Andijon”ning ikkinchi bosqich yig'ini yakuniga etdi va futbolchilarga ikki kunlik tatil elon qilindi. Endi andijonliklarning o'quv-yig'in mashg'ulotlari 23 yanvardan Toshkentda davom ettiriladi. Bo'lajak yig'in davomida “Andijon” super liga klublariga qarshi o'rtoqlik uchrashuvlarida maydonga tushishni rejalashtirgan.  


Tarkibdagi o'zgarishlarga keladigan bo'lsak, malum muddat “So'g'diyona” yig'inida ishtirok etgan iqtidorli yarim himoyachi Oybek Nurmatov yana “Andijon” ixtiyoriga qaytib keldi. Undan tashqari o'tgan mavsum “Cementchi” safida o'ynagan himoyachi Maruf Zokirjonov ham kuni-kecha “Andijon” tarkibiga kelib qo'shildi. “Mashal-2” safida o'ynagan yarim himoyachi Muni-Mirmuhsin Yusupovni ham murabbiylar ko'rikdan o'tkazishayotganini aytish lozim. SHuningdek o'tgan yili “Yangier” darvozasini ko'riqlagan iqtidorli posbon Husan Olimjonovni ham ayni damda “Andijon” yig'inida ishtirok etayotganini malum qilamiz.  
 
Murabbiylar shtabi Toshkentdagi yig'in chog'ida asosiy etiborni tarkibni shakllantirishga qaratadi. Ayni damda selekciya ishlari bo'yicha keng ko'lamda ish olib borilayotganini va bu borada bir nechta tajribali futbolchilar bilan muzokara o'tkazilayotganini aytish lozim. SHu bois poytaxt yig'inida bir qator yangi nomlar tarkibga kelib qo'shilishi kutilmoqda. Bu haqda keyingi xabarlarimizda yana malumot berib boramiz.  

 
20.01.2018 yil
Nazorat uchrashuvi
“Andijon” – “Cementchi” 1:0 (0:0)
Andijon. “BO'FM” maydoni.
Hakamlar: 
Temur To'xtasinov, Anvar Marajabov, Elziyod Isomiddinov.

“Andijon”: Xusan Olimjonov, Artur Mamatkazin, Ildar Mamatkazin (S), Mirshohid Olimov, Alisher To'xtasinov, Oybek Nurmatov, Usmonali Ismonaliev, Baxtiyor Qosimov, Maqsud Mahmudov, Uyg'un Bobonazarov, Alisher Abduvohidov.  
Zaxiradan maydonga tushganlar: SHoxrux Ergashev, Ibrohim Otaxonov, Jahongir Mahsudov, Dilmurod Mahmudov, Muni-mirmuhsin Yusupov, Maruf Zokirjonov.

“Cementchi”: Farrux Turdaliev, Aybek Nurboev, SHukurali Po'latov, Davron Mamatov (S), Iqbol Boboxonov, Elyor Mamasoliev, Sunnat Ermatov, Otabek Ahmadjonov, Abbos Maxstaliev, Abdulaziz Yusupov, Davron Isoqov.  
Zaxira: Timur Usmonov, Abdurasul Komilov, Qahramon Mahamadjonov, Sardor Qahhorov, Furqat Hasanboev, Otabek Isroilov, Jamshid Qobulov.      
   
 

Reyting: +5   

Fikrlar

championat.asia
< so’nggi yangiliklarni ko’rish
Яндекс.Метрика