“Andijon” ikki nafar yangi futbolchi bilan shartnoma imzoladi
23 iyu 2019 17:19
Yangiliklar

“Andijon” ikki nafar yangi futbolchi bilan shartnoma imzoladi

Poytaxtdagi o'quv-yig'in mashg'ulotlarini yakunlagan Aleksandr Xomyakov boshchiligidagi “Andijon” jamoasi bugun Andijon shahridagi sport-qarorgohiga yig'ildi.

"Burgutlar" 27 iyul kuni “Buxoro” jamoasiga qarshi bo'ladigan uchrashuvga tayyorgarlikni boshladi.

Xabaringiz bor, Toshkentdagi yig'inda “Lokomotiv” va “Dinamo” jamoalariga qarshi nazorat uchrashuvini o'tkazgan "Andijon" bir qator yangi futbolchilarni ko'rikdan o'tkazgan edi.

O'tgan mavsumda “Andijon” jamoasini Superligaga chiqishida o'z hissasini qo'shgan Davron Isoqov ayni paytda klub ofisiga tashrif buyurib, “Andijon” jamoasi bilan shartnoma imzoladi.

SHuningdek, aslida andijonlik bo'lgan, “Bunyodkor” jamoasidan tashrif buyurgan yarim himoyachi Sardor Azimov (rasmda) ham “Andijon” jamoasi bilan shartnoma imzoladi.

Sardor Azimov 19-raqamda, Davron Isoqov esa 29-raqam ostida to'p suradigan bo'ldi.