"Andijon" bosh murabbiyi: "To'g'ri – biz debyutantmiz, lekin..."

O'yindan so'ng “Burgutlar” jamoasi ustozi Ildar Sakaev quyidagicha fikr bildirib o'tdi:

- Barcha ayollarni bayram bilan chin dildan tabriklayman. Bugun bizda 2 ta ayyom: Zero bugundan yangi futbol mavsumi ham start oldi. Dastlabki o'yin ancha murosasiz ko'rinish olganini takidlay olaman. Ha, to'g'ri – biz debyutantmiz. Lekin bugun muxlislarga yoqadigan tomoshabop o'yin ko'rsata oldik, deb o'ylayman. Yakunda durang qayd etidik. Har bir qo'lga kiritiladigan ochkoning qadri baland.

“Qizilqum” ancha shakllangan jamoa. Ushbu raqibga qarshi munosib o'yin namoyish etishga urindik. Qo'ldan kelgancha yaxshi o'yin namoyish etishga uringan shogirdlarimga minnatdorchilik bildiraman, - dedi mutaxassis.