Anchelotti: “Everton” uyda safardagidan yomonroq o'ynamoqda”

“Bugun bizning kunimiz emasdi. O'yin boshida juda ko'p xatolarga yo'l qo'yganimizni tushunolmayapman. “Aston Villa” g'alaba uchun katta ishtiyoq bilan harakat qildi. Bizda esa aksi. Jamoam evrokuboklarga yo'llanma beradigan o'rin uchun kurashayapti. Biroq uy uchrashuvlarimizda juda katta qiyinchiliklarga duch kelayapmiz. SHunisiga biroz tushunmayapman. Biz o'tgan hafta safarda “Arsenal”ni mag'lub etgandik. Albatta, o'z uyimizda bundanda yaxshiroq harakat qilishimiz lozim. Ishonish qiyin, biroq safardagi o'yinlarimiz statistikasi uydagiga nisbatan ancha farq qiladi. 

Mavsum hali yakunlangani yo'q. Oldimizga qo'yilgan maqsad sari intilishda davom etamiz”, deya murabbiyning so'zlaridan iqtibos keltirmoqda VVS.

“Aston Villa” 33 uchrashuv o'tkazib, 48 ochko bilan APL turnir jadvalida 9-pog'onada bormoqda. “Everton” esa 52 ochko bilan sakkizinchi pog'onani band etgan. Liverpulliklar o'z maydonlarida qatorasiga beshinchi uchrashuvda g'alaba qozona olishmayapti.