Anchelotti: "Borussiya"ga urilgan xet-trik Vinisiusga keyingi yil "Oltin to'p"ni yutishda yordam beradi" (matbuot anjumani)
23 okt 2024 13:31
Yangiliklar

Anchelotti: "Borussiya"ga urilgan xet-trik Vinisiusga keyingi yil "Oltin to'p"ni yutishda yordam beradi" (matbuot anjumani)

Kecha tunda Evropa CHempionlar ligasining 3-tur bellashuvlariga start berilganidan xabaringiz bor.

Madridda musobaqaning o'tgan yilgi finalchilari o'zaro bahs olib borishdi. Unda "Real" birinchi bo'limdan keyin 0:2 hisobida ortda borayotganiga qaramay, yakunda 5:2 natijasi bilan g'alaba qozondi. O'yinda Vinisius 3ta gol urdi, bosh murabbiy Karlo Anchelotti esa bahs yakunida o'z fikrlari bilan o'rtoqlashdi.

Real Madrid

Antonio Ruediger - 60', Vinicius Junior - 62', Lucas Vazquez - 83', Vinicius Junior - 86', Vinicius Junior - 90'

Champions League . 3-tur

23/10/2024, 01:00

Tugadi

Borussia Dortmund

Donyell Malen - 30', Jamie Gittens - 34'

Stadion: Estadio Santiago Bernabeu, 74642 tomoshabin

Bosh hakam: Istvan Kovacs

45'

90'

Match-senterda ochish

"Nima qilishimiz kerakligi aniq edi va jamoa ikkinchi bo'limda sifatliroq o'ynadi. Bu joriy mavsumdagi eng yaxshi ikkinchi bo'lim bo'ldi".

- Birinchi bo'limda nima xato bo'ldi?

- Uchrashuvni biroz shiddat bilan boshladik, shakllangan jamoa kabi edik, ammo pressingsiz quyiroq tushib harakat qildik. Raqib esa hamma narsani yaxshi nazorat qila oldi.

Biz 2 bor to'sinni poyladik, lekin juda qo'rqoq ko'rindik. Bu jamoa tavakkal qilib raqibga bosim o'tkaza olishini ko'rsatdi va albatta buning uchun bizda resurslar bor.

- Tanaffusda futbolchilar bilan nima haqida gaplashdingiz?

- Tanaffus paytida uchta gol urish haqida o'ylash utopiya (yo'q, hayoliy joy) deb o'ylayman. Diqqatimizni mayda detallarga qaratishimiz, kuchli pressing qilishni boshlashimiz kerak, raqibga uzatmalarni amalga oshirishga imkon bermasligimiz, o'zimiz sifatli to'p oshirishlarni ijro etishimiz va kurashlarni yutishimiz kerak... Qachonki kurashlarda ustun kelib, yaxshi paslar bersangiz o'yin dinamikasi o'zgarishi mumkin va bizning birinchi golimizdan keyin shunday bo'ldi ham.

- Vinisiusning o'yiniga baho bersangiz.

- Futbolchilar ikkinchi bo'limni Vini bugun o'tkazgani kabi o'tkazishi kamdan-kam uchraydi. U g'ayrioddiy kuch va xarakter bilan o'ynadi.

- U "Oltin to'p"ni oladimi?

- O'ylaymanki, Vini bu kecha uchun emas, balki CHempionlar ligasida g'olib bo'lishimiz uchun o'tgan mavsum qilgan ishlari uchun g'alaba qozonadi. Bugungi 3ta gol esa unga keyingi yil eng yaxshi bo'lishi uchun yordam beradi, - dedi Anchelotti.